မြန်မာနိုင်ငံဟာ စစ်ကောင်စီရဲ့ အာဏာထိန်းချုပ်မှုအောက် ရောက်ရှိနေတာ ခုဆို ရက်ပေါင်း(၂၃၀)ရှိပြီဖြစ်ပါတယ်။(၂၀၂၁) ခုနှစ်၊ဖေဖော်ဝါရီ ၁ရက်နေ့မှစ၍ ယနေ့အထိ ဝရမ်းထုတ်ခံရသူ (၁၉၈၄)ဦး၊ဖမ်းဆီးခံခဲ့ရသူ (၈၂၂၇) ဦး၊ချုပ်နှောင်ခံထားရသူ (၆၉၅၁) ဦး၊ကျဆုံးသူ (၁၁၀၈)ဦးအထိရှိခဲ့ပါတယ်။
ဒီလူတွေထဲမှာ ကလေးသူငယ်မှအစ သက်ကြီးရွယ်အိုများ၊ကျောင်းသားလူငယ် အစရှိသရွေ့ လူတန်းစားပေါင်းစုံပါဝင်နေပါတယ်။ဒါ့ကြောင့်ကျန်ရှိသူ ပြည်သူတွေကလည်း အမြဲတစေ သွေးမအေးအောင် ပျောက်ကြားသပိတ်တွေနဲ့ သတိပေးလေ့ရှိကြပါတယ်။
ယခုမနက်မှာလည်း တချို့နေရာတွေမှာ ပြည်သူတွေ သွေးမအေးရေးအတွက် လူငယ်တွေစုရုံးကာ သပိတ်စစ်ကြောင်းပြုလုပ်ခဲ့ကြပါတယ်။
ထို ပျောက်ကြားသပိတ်စစ်ကြောင်းနှင့် လူငယ်တွေရဲ့ သတိပေးချက်တချို့ကို ပြည်သူများကြည့်ရှုခံစားလို့ရအောင် ဖော်ပြပေးလိုက်ရပါတယ်။