နေရေးစားရေးခက်ခဲတဲ့နေရာတွေမှာ ဒုက္ခမျိုးစုံခံစားပြီးနေရတဲ့ PDF လူငယ်လေးတွေဟာ အလှူရှင်တွေရဲ့ သဒ္ဓါတရားကြောင့် ဟင်းကောင်းစားရတဲ့နေ့တွေရှိသလို အလှူငွေမရတဲ့အချိန်မှာလည်း တောထဲက မျှစ်တွေနဲ့ ငှက်ပျောသီးတွေခူးယူပြီး ဝမ်းရေးကို ဖြစ်သလိုဖြေရှင်းနေရကြောင်းကို PDF လူငယ်လေးတွေ ကို ဒိုင်ခံကူညီပေးနေတဲ့ ပြည်သူတစ်ဦးက ပြောပြလာခဲ့ပါတယ်။ လက်ရှိအချိန်မှာ အစစအရာရာ ကျပ်တည်းနေတာမို့ အလှူခံရတာလည်း မလွယ်ကူလှပါဘူး။
အမြဲတမ်းလှူလာပေးတဲ့အလှူရှင်တစ်ယောက်ဟာ အလှူငွေမရလို့ စိတ်မကောင်းဖြစ်တဲ့အချိန်မှာ PDF တပ်သားလေးတွေဟာ အလှူငွေမရလို့ စိတ်မညစ်ဖို့နဲ့ တောထဲမှာ မျှစ်တွေ ငှက်ပျောသီးတွေ ပေါများကြောင်း ပြန်ပြီးအားပေးခဲ့ပါသေးတယ်။ ဒီလိုစိတ်ဓာတ်နဲ့လူငယ်လေးတွေ တိုက်မယ့်တိုက်ပွဲဟာ မအောင်မြင်နိုင်စရာမရှိဘူးလို့လည်း မှတ်ချက်တွေအများအပြားပေးခဲ့ကြပါတယ်။ စွန့်လွှတ်စွန့်စားစိတ်နဲ့ တိုက်ပွဲဝင်နေတဲ့ PDF တွေတိုင်းဟာ လေးစားထိုက်သူတွေပါ။
ရောက်တဲ့နေရာမှာ အဆင်ပြေသလိုဖြတ်သန်းပြီး ကိုယ်အဓိကလုပ်ရမယ့်တာဝန်နဲ့ ဝတ္တရားကို မပျက်မကွက်ဂရုစိုက်တတ်တဲ့အကျင့်လေးတွေက တကယ်ကိုကောင်းမွန်ပါတယ်။ အစစအရာရာ မပြည့်စုံတဲ့အခြေအနေတွေကိုလည်း ရအောင်ဖြတ်သန်းပြီး ကိုယ်ဖြစ်ချင်တဲ့ ပန်းတိုင်ကို အရောက်လှမ်းနေကြတဲ့ PDF လူငယ်လေးတွေအားလုံး ဘေးကင်းကြပါစေလို့ ဆုတောင်းပေးပါတယ်။
သတင်း အရင်းအမြစ်៖ KEEP On Smiling's FB Acc