လတ်တလော မကွေးတိုင်းအတွင်းက မြို့နယ်တွေမှာ ပြည်သူ့ကာကွယ်ရေးတပ်တွေနဲ့ အာဏာရှင် လူတစ်စုတပ်တွေအကြား ထိတွေ့တိုက်ပွဲတွေ ဖြစ်ပွားပြီး လက်ရှိအချိန်ထိ နှစ်ဖက်တင်းမာမှုတွေ ရှိနေတာ ဖြစ်ပါတယ်။ ပြီးခဲ့တဲ့ ရက်ပိုင်းမှာ မြို့ခံ ပြည်သူ့ကာကွယ်ရေးတပ်တွေက မုံရွာ - ဂန့်ဂေါ - ကလေး ကားလမ်းပိုင်းကို စစ်ရေးအရ အများပြည်သူများ မလိုအပ်ဘဲ ခရီးသွားလာခြင်း မပြုလုပ်ဖို့ ထုတ်ပြန်ကြေညာ ထားခဲ့ပါတယ်။ ဒီလို ကြေညာထားပေမယ့် အဆိုပါလမ်းကို အသုံးပြုတဲ့ ခရီးသွားကားတချို့ မိုင်းထိမှန်တာတွေလည်း ရှိလာခဲ့ပါတယ်။
စတင်ဘာလ(၁၅) ရက်နေ့မှာတော့ မုံရွာ - ဂန့်ဂေါ - ကလေးကားလမ်းပေါ်မှာ (၁၂) ဘီးကားတစ်စီး မိုင်းထိမှန်ခဲ့ကြောင်း သိရပါတယ်။ မိုင်းထိမှန်မှုကြောင့် (၁၂) ဘီးကားဟာ မီးလောင်ပျက်စီးသွားခဲ့တဲ့အပြင် နေရာမှာ ယာဥ်မောင်းတစ်ဦးလည်း သေဆုံးခဲ့ပါတယ်။ သေဆုံးသူ ယာဥ်မောင်းဟာ ချင်းပြည်နယ် တီးတိန်မြို့နယ်က အသက် (၃၁)နှစ်ရှိ ကိုဟောက်ခန့်ခုပ်ဖြစ်ပြီး ကားပြင်ဖို့အတွက် ကုန်မပါပဘဲ မန္တလေးကို အသွားမှာ မိုင်းနင်းမိထိမှန်ခဲ့တာ ဖြစ်ပါတယ်။
လက်ရှိမှာတော့ အဆိုပါ ကားလမ်းကို အသုံးပြုသူများ နည်းပါးသွားခဲ့ပေမယ့်လည်း တချို့ ခရီးသွားများကတော့ သွားလာနေကြဆဲဟု သိရပါတယ်။ မုံရွာ- ဂန့်ဂေါ - ကလေး ကာလမ်းပိုင်းကို ပြီးခဲ့တဲ့ ဇွန်လပိုင်းလောက်ကနေ စတင်ပြီး ယခုလ (၁၅) ရက်အထိ ရက်ပေါင်း (၁၀၀) အတွင်းမှာ ကားလမ်း မိုင်ပေါက်ကွဲမှု အကြိမ်ရေ (၂၀)ကျော်လောက် ရှိကြောင်း ကြားသိရပါတယ်။
သတင်း အရင်းအမြစ်៖ Source - EPN