ဆိုင်ကယ်လိုင်စင်တွေ ပြုလုပ်ဖို့အတွက် ကညနအောက်ရုံးရှေ့မှာ ကြိတ်ကြိတ်တိုးတန်းစီပြီး စောင့်ဆိုင်းနေကြတဲ့ မော်လမြိုင်က ပြည်သူများ

ပြီးခဲ့တဲ့ ရက်ပိုင်းကတော့ နှစ်လကျော်ကြာပိတ်ထားတဲ့ နိုင်ငံကူးလက်မှတ်ထုတ်ပေးတဲ့ ရုံးတွေကို ပြန်လည်ဖွင့်လှစ်ခဲ့ပါတယ်။ ရန်ကုန်၊ မန္တလေးအပါအဝင်နယ်မြို့တစ်ချို့မှာရှိတဲ့ နိုင်ငံကူးလက်မှတ်ထုတ်ပေးတဲ့ ရုံးတွေကိုပြန်ဖွင့်ခဲ့တာ ဖြစ်ပြီး လူအချို့သွားရောက်ကာ ပတ်စပို့စ်ပြုလုပ်နေတာကို မြင်တွေ့ခဲ့ရပါတယ်။ ပိတ်ထားတဲ့ အစိုးရလုပ်ငန်းအချို့ပြန်ဖွင့်နေတာ ဖြစ်ပြီး မော်လမြိုင်မြို့က ကညနအောက်ရုံးမှာလည်း ဆိုင်ကယ်လိုင်စင်တွေ ပြုလုပ်ပေးနေခဲ့ပါတယ်။

စက်တင်ဘာလ(၁၆)ရက်နေ့ မနေ့ကစပြီး မော်လမြိုင်မြို့က ကညနအောက်ရုံးမှာ မော်တော်ဆိုင်ကယ်တွေကို လိုင်စင်ထုတ်ပေးနေကြောင်း သိရှိရပါတယ်။ ယနေ့မှာလည်း မော်တော်ဆိုင်ကယ်လိုင်စင်တွေ ထုတ်ပေးနေတာဖြစ်ပြီး လိုင်စင်မဲ့မော်တော်ဆိုင်ကယ်တွေ အများအပြားလာရောက်ကာ လိုင်စင်ပြုလုပ်နေကြပါတယ်။ မော်လမြိုင်က ပြည်သူတွေဟာ မော်တော်ဆိုင်ကယ် လိုင်စင်ပြုလုပ်ဖို့အတွက် ကညနအောက်ရုံးရှေ့မှာ တန်းစီပြီး စောင့်ဆိုင်းနေကြပါတယ် ။

မော်လမြိုင်က ပြည်သူတစ်ဦးကတော့ " မော်လမြိုင်မြို့တွင် လိုင်စင်မဲ့မော်တော်ဆိုင်ကယ်များ လိုင်စင်ပြုလုပ်ပေးနေပါတယ် ကညန အောက်ရုံးတွင် ဆိုင်ကယ်လိုင်စင်များကို (၁၆.၉.၂၀၂၁)ရက်နေ့မှစတင်ပြီး ပြုလုပ်ပေးနေကြောင်း သိရှိရပါတယ် "ဆိုပြီး လူမှုကွန်ယက်ထက်မှာ ရေးသားထားခဲ့ပါတယ်။ ဆိုင်ကယ်လိုင်စင်ပြုလုပ်ဖို့အတွက် ဆိုင်ကယ်တွေရပ်ပြီး တန်းစီစောင့်ဆိုင်းနေကြတဲ့ မော်လမြိုင်မြို့က ပြည်သူတွေရဲ့ ပုံရိပ်တွေကို ပြန်လည်ဖော်ပြပေးလိုက်ရပါတယ်။

Source :  Original Uploder