မုံရွာတစ်မြို့လုံးနဲ့ နယ်အသီးသီးကို ဖြန့်ဝေရောင်းချနေတဲ့ မြန်မာဘီယာရုံးကို ဗုံးဖောက်ခွဲပြီး သတိပေးခဲ့တဲ့ MPDF အဖွဲ့ရဲ့ဗီဒီယိုဖိုင်

ယခုလက်ရှိမှာတော့ ပြည်သူ့ကာကွယ်ရေးတပ်ဖွဲ့ဝင်တွေက အာဏာရှင်အမြစ်ဖြုတ်ချေမှုန်းရေးအတွက် ဖောက်ခွဲရေးလုပ်ငန်းတွေကို နေရာအနှံ့မှာ လုပ်ဆောင်နေကြပြီပဲ ဖြစ်ပါတယ် ။ ပြီးခဲ့တဲ့စက်တင်ဘာလ (၁၆) ရက်နေ့ညကလည်း မုံရွာမြို့နယ်မှာရှိတဲ့ Myanmar Beer ရုံးမှာ ပေါက်ကွဲမှုတစ်ခု ဖြစ်ပွားခဲ့တယ်လို့ သိရပါတယ်။ မုံရွာမြို့တစ်မြို့လုံးနဲ့ နယ်အသီးသီးကို ဖြန့်ဝေရောင်းချနေတဲ့ မြန်မာဘီယာရုံးကို မုံရွာမြို့နယ်ရှိ MPDF အဖွဲ့က ဗုံးဖောက်ခွဲခဲ့တာပဲ ဖြစ်ပါတယ်။

MPDF အဖွဲ့က အာဏာရှင်တွေရဲ့ထောက်တိုင်တစ်ခုဖြစ်တဲ့ မြန်မာဘီယာရုံးကို ဖောက်ခွဲရေးပြုလုပ်ပြီး သတိပေးခဲ့တာ ဖြစ်ပါတယ် ။ သံမဏိတပ်ဖွဲ့ဖောက်ခွဲပညာရှင် ခွန်ဆာတို့အဖွဲ့က (16.9.2021)၊ ည (7:30)အချိန်ခန့်မှာ ဖောက်ခွဲခဲ့တာဖြစ်ကြောင်း MPDF ကိုယ်စားပြုဖြစ်တဲ့ သံမဏိနှင့်အဖွဲ့သားများအဖွဲ့က ကြေညာခဲ့တာ ဖြစ်ပါတယ် ။ ဒီဖောက်ခွဲမှုကြောင့် မြန်မာဘီယာရုံးရှိ ဝန်ထမ်းများ ထိခိုက်မှုမရှိခဲ့ကြောင်း သံမဏိနဲ့အဖွဲ့သားများက ထုတ်ပြန်ထားတာလည်း ဖြစ်ပါတယ်။

ဒါ့အပြင် MPDF ကိုယ်စားပြု သံမဏိနှင့်အဖွဲ့သားများက မြန်မာဘီယာရုံးမှာ ပေါက်ကွဲမှုဖြစ်ပွားခဲ့တဲ့ ဗီဒီယိုဖိုင်ကို ဖော်ပြပေးထားတာလည်း တွေ့ရပါတယ်။ လက်ရှိမှာတော့ ပြည်သူ့ကာကွယ်ရေးတပ်ဖွဲ့ဝင်တွေအနေနဲ့ အာဏာရှင်တွေရဲ့စီးပွားရေးထောက်တိုင်တွေကို ရတဲ့နည်းလမ်းနဲ့ တိုက်ခိုက်နေကြတာ တွေ့ရပါတယ်။ မနေ့ညက မုံရွာမြို့မှာရှိတဲ့ Myanmar Beer ရုံးကို ဖောက်ခွဲသတိပေးခဲ့တဲ့ MPDF တွေရဲ့ဗီဒီယိုဖိုင်ကို ပြန်လည်ဖော်ပြပေးလိုက်ရပါတယ်။
Source & Video Credit-"သံမဏိနှင့် အဖွဲ့သားများ-MPDF ကိုယ်စားပြု" FB Page