အာဏာသိမ်းမှုဖြစ်စဉ်စတင်ပြီးနောက်ပိုင်း အာဏာရှင်ရဲ့လက်အောက်ကနေ ပြည်သူ့ဘက်တော်သား အဖြစ်ကိုကူးပြောင်းလာခဲ့တဲ့ ကလေးမြို့က CDM ရဲတပ်ဖွဲ့ဝင် ကိုလှမျိုးထွဋ်ဟာ စက်တင်ဘာလ (၁၅) ရက်နေ့မှာ မင်းကင်းမြို့နယ်က တိုက်ပွဲတခုတွင် ကျဆုံးသွားခဲ့ကြောင်း သိရပါတယ်။ ကိုလှမျိုးထွဋ်ရဲ့ ဇနီးဖြစ်သူဟာလည်း CDM ရဲမေတစ်ယောက်ဖြစ်ပြီး လက်ရှိမှာတော့ သူမကိုအဆက်အသွယ်မရသေးဘူး လို့ ကနဦးသတင်းတွေအရသိရပါတယ်။
ဇနီးမောင်နှံနှစ်ယောက်လုံးဟာ အမှန်တရားဖက်ကရပ်တည်ကြသူတွေဖြစ်တာကြောင့် အခုလို ခင်ပွန်းဖြစ်သူကျဆုံးသွားတဲ့အပေါ်မှာ များစွာစိတ်မကောင်းဖြစ်ရကြောင်း ပြည်သူအများက မှတ်ချက်ပေးခဲ့ ကြပါတယ်။ ပြည်သူတွေဖက်ကရပ်တည်ပြီး တိုက်ပွဲဝင်ရင်း ကျဆုံးသွားခဲ့တာမို့ ပြည်သူအများက အမြဲတမ်းအမှတ်ရနေပြီး ဂုဏ်ပြုနေမယ့်အကြောင်းလည်း ပြောခဲ့ကြပါသေးတယ်။ သူရဲကောင်းဆန်ဆန် ကျဆုံးသွားခဲ့တာကြောင့်လည်း အားလုံးရဲ့လေးစားမှုနဲ့တိုက်တန်ကြောင်း စသဖြင့် အမျိုးမျိုးသော မှတ်ချက်တွေပေးခဲ့ကြပါတယ်။
ကလေးမြို့က ပထမဆုံး CDM လုပ်တဲ့ ရဲတပ်ဖွဲ့ဝင်တွေထဲမှာ ကိုလှမျိုးထွဋ်လည်းပါဝင်ခဲ့ပြီး အပြန်အလှန် ပစ်ခတ်ကြတဲ့ မင်းကင်းမြို့က တိုက်ပွဲတွေထဲကတစ်ခုမှာ အခုလို အသက်ဆုံးရှုံးခဲ့ရတာဖြစ်ပါတယ်။ မတရားမှုကိုဆန့်ကျင်ပြီ အာဏာရှင်ကို ရဲရဲဝံ့ဝံ့တော်လှန်ခဲ့သူ သူရဲကောင်းဖြစ်တာမို့ မတရားမှုတွေ ကင်းရှင်းတဲ့နေရာမှာ တစ်ဖန်ပြန်လည်မွေးဖွားပြီး အေးချမ်းပါစေလို့ ဆုတောင်းပေးပါတယ်။
သတင်း အရင်းအမြစ်៖ PDF Reference News's FB Acc