ပရဟိတအလုပ်တွေနဲ့ အများအကျိုးပြုနေကြတဲ့ ပြည်သူတွေတော်တော်များများ အခုလိုကပ်ရောဂါကာလကြီးမှာလည်း ကိုယ်ကျိုးမဖက်ဘဲ တတ်နိုင်တဲ့ဘက်ကနေ ကြိုးစားလုပ်ဆောင်နေကြတာ ဖြစ်ပါတယ်။ စက်စက်ယိုဆရာတော်ဘုရားကြီးဟာလည်း သက်တော် ကြီးရင့်နေပေမယ့်လည်း အများအတွက်ဆိုတဲ့စိတ်နဲ့ ပရဟိတအလုပ်တွေကို တစိုက်မတ်မတ်လုပ်ဆောင်နေတာ တွေ့ရပါတယ်။
လတ်တလောမှာတော့ ဘုန်းဘုန်းကျောင်းမှာ ရဟန်းသံဃာတွေနဲ့ သက်ကြီးဘိုးဘွားတွေအတွက်လိုအပ်နေတဲ့ အောက်ဆီဂျင်အိုးနဲ့ အခြားအသုံးအဆောင်ပစ္စည်းတွေကို စေတနာရှင်တစ်ဦးကလှူဒါန်းမှုတွေပြုလုပ်ခဲ့တယ်လို့ သိရပါတယ်။ ဆင်းရဲနွမ်းပါးပြည်သူတွေနဲ့ သက်ကြီးအဖိုးအဖွားတွေအပြင် တောထဲတရားအားထုတ်နေတဲ့ သံဃာတော်တွေအတွက် နယ်လှည့်ဆေးကုသပေးနေတဲ့ နှလုံးလှဆရာဝန်လေးက လှူဒါန်းကူညီခဲ့တာ ဖြစ်ပါတယ်။
ဆရာဝန်လေးက မွန်မြတ်လွန်းတဲ့ သူ့ရဲ့အလှူလေးတွေကိုလည်း ပြည်သူတွေသာဓုခေါ်ကုသိုလ်ယူနိုင်ဖို့အတွက်ကိုလည်း ဝေမျှထားတာ ဖြစ်ပါတယ်။ ဆရာတော်သက်တော်ရှည်ပြီး သာသနာ့အကျိုး အများအကျိုးတွေကို ဒီ့ထက်မက သယ်ပိုးနိုင်စေဖို့ကိုလည်း ဆုတောင်းမေတ္တာပို့သထားပါသေးတယ်။
သတင်း အရင်းအမြစ်៖ Minn Ko's Fb Acc