ကမ္ဘာ့လွှမ်းမိုးမှုအရှိဆုံးသူအဖြစ် Time မဂ္ဂဇင်းမှာ ဖော်ပြခြင်းခံရတဲ့ ကချင်လူမျိုး Esther Ze Naw ရဲ့အကြောင်း

Time မဂ္ဂဇင်းကရွေးချယ်တဲ့ ၂၀၂၁နှစ်အတွင်း ကမ္ဘာ့လွှမ်းမိုးမှုအရှိဆုံးလူ အယောက် (၁၀၀) စာရင်းမှာ မြန်မာအမျိုးသမီး သုံးဦးပါ၀င်လာခဲ့ပါတယ်။ ၎င်းတို့သုံးဦးကတော့ မြန်မာနိုင်ငံနွေဦးတော်လှန်ရေးလှုပ်ရှားမှုပါ၀င်သူ Esther Ze Naw နဲ့ ဒု၀န်ကြီး အိသဉ္ဇာမောင်၊ NASAက မားစ်ဂြိုလ်ပေါ်သို့ လေ့လာရေးယာဉ်လွှတ်တင်ချိန်မှာ ဦးဆောင်ခဲ့သူ မြန်မာနွယ်ဖွား Mi Mi Aung တို့ပဲဖြစ်ကြပါတယ်။

ဒု၀န်ကြီး အိသဉ္ဇာမောင်ရဲ့အကြောင်းကို ရှေ့မှာဖော်ပြခဲ့ပြီးဖြစ်တာကြောင့် ဒီတစ်ခါမှာတော့ ကချင်လူမျိုး Esther Ze Naw ရဲ့အကြောင်းကို လက်လှမ်းမီသလောက် ဖော်ပြပေးချင်ပါတယ် ။ သူမဟာ ၁၈နှစ်ကျောင်းသူအရွယ်လေးတည်းက တရုတ်နယ်စပ် ကချင်စစ်ဘေးရှောင်စခန်းတွေကို ခဲရာခဲဆစ်လာရောက်ပြီး စာလာသင်ပေးတတ်သူဖြစ်ပါတယ် ။ Candle Light Library ဆိုတဲ့ စာကြည့်တိုက်တွေလည်းထောင်ကာ စာအုပ်တွေမရောက်ရောက်အောင် သယ်ပေးပြီး ကြိုးစားခဲ့တဲ့သူလည်းဖြစ်တယ်လို့သိရပါတယ်။

သူမဟာ လက်ရှိမှာဆိုရင်လည်း လွတ်မြောက်နယ်မြေတစ်ခုမှာ စစ်ပညာပါသင်ယူနေပြီး ဖယ်ဒရယ်ဒီမိုကရေစီအရေးအတွက် အစွမ်းကုန်ကြိုးစားပါ၀င်နေတာလည်းဖြစ်ပါတယ် ။ အသက် (၃၀)တောင်မပြည့်သေးတဲ့ နုနုနယ်နယ်အမျိုးသမီးလေးတစ်ယောက်ရဲ့ စွမ်းဆောင်မှုတွေက အင်မတန်လေးစားစရာပါ။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။

သတင်း အရင်းအမြစ်៖ Myanmarload