ထိုင်းနိုင်ငံ၊ ကန်ချနဘူရီခရိုင်ရှိ ATM စက်တွင် ငွေလာထုတ်သည့် လူငယ်တစ်ဦးမှာ ငွေထုတ်ယူပြီးနောက် စက်ပေါ်တွင် အပြာရောင်အထုပ်တစ်ထုပ်ကျန်ရစ်ခဲ့သည်ကို CCTV မှတ်တမ်းအရတွေ့ရှိရပြီး ထိုအပြာရောင်အထုပ်ထဲတွင် WY စိတ်ကြွရူးသွပ်ဆေးပြား (၄၀) ခန့်တွေ့ရသဖြင့် မေ့ကျန်ပစ္စည်း ပြန်လာယူရန် တုန်ဖဖွန်ရဲစခန်းက “ ပစ္စည်းမေ့ကျန်ခဲ့သည်ကို တွေ့ရပါသဖြင့် ပြန်လာယူပါရန် ” ဟုရေးသားကာ ကြေညာထားခဲ့ပါတယ်။
ငွေလာရောက်ထုတ်ယူသူဟာ အပေါ်ကအနွေးထည်လိုအဝတ်မျိုးဝတ်ဆင်ထားပြီး အောက်ပိုင်းမှာတော့ ဒူးအတိဘောင်းဘီအတိုကိုဝတ်ထားခဲ့ပါတယ်။ မျက်နှာကို Mask အုပ်ထားတာကြောင့် ဘယ်သူဘယ်ဝါ ဆိုတာကို အတိအကျမသိခဲ့ရပါဘူး။ ကျန်ရစ်ခဲ့တဲ့ ပစ္စည်းတွေကို သက်ဆိုင်ရာကသိမ်းဆည်းထားပြီး ပိုင်ရှင်ပြန်လာယူဖို့အတွက် ကြေညာချက်ထုတ်ခဲ့ပါတယ်။ အခုလိုတရားမဝင်ပစ္စည်းတစ်ခုကို ကျန်ရစ်ခဲ့တဲ့အချိန်မှာ ဘယ်သူမဆို အန္တရာယ်တွေကြားထဲဖြတ်ပြီး ပြန်ယူမှာမဟုတ်ပါဘူး။
ထိုင်းရဲတပ်ဖွဲ့အနေနဲ့ ဒီလိုကြေညာချက်ထုတ်တဲ့အပေါ်မှာ ပြည်သူတွေက သဘောတကျနဲ့ ရယ်မောပြီး မှတ်ချက်တွေပေးခဲ့ကြပါတယ်။ ကျန်ခဲ့သူကတော့ ပြန်လာမယူဘူးဆိုတာ အသေအချာပါပဲ။ ငွေထုတ်ရင်းနဲ့ မူးယစ်ဆေးဝါးတွေကို ATM စက်ပေါ်မှာကျန်ခဲ့တယ်ဆိုတာ တွေးကြည့်ရင် ရယ်စရာတောင် ကောင်းနေပါတယ်။ လက်ရှိအချိန်ထိတော့ ကျန်ရစ်ခဲ့သူကို ဖမ်းဆီးနိုင်ခြင်းမရှိသေးဘဲ ကြေညာချက်လည်း ဆက်လက်ထုတ်ပြန်ထားဆဲပါ။
သတင်း အရင်းအမြစ်៖ Tachileik News Agency 's FB Acc
Bong I.T