သူငယ်ချင်းပြေတီဦးကို အိမ်မက်မက်ပြီး အိမ်မက်ထဲကအတိုင်း အပြင်မှာဖြစ်ချင်မိကြောင်း ဖွင့်ဟလာတဲ့ ညီနန္ဒ

မြန်မာနိုင်ငံရဲ့ နွေဦးတော်လှန်ရေးကြီးမှာ အမှန်တရားကို လိုလားကြတဲ့ ပြည်သူတွေနဲ့အတူ အနုပညာရှင် များစွာကလည်း ပူးပေါင်းပါဝင်ကာ အစွမ်းကုန် ရပ်တည်ပေးခဲ့ကြပါတယ်။ အခုလိုရပ်တည်ချက်တွေကြောင့် ၅၀၅(က)နဲ့ အရေးယူခံရပြီးရှောင်ပုန်းနေရသူတွေရှိသလို ဖမ်းဆီးခံထားရတဲ့ အနုပညာရှင်တွေလည်းရှိနေပြီး လွတ်မြောက်နယ်မြေရောက်ရှိနေကြတဲ့ အနုပညာရှင်တွေလည်း ရှိလာနေတာတွေ့ရပါတယ်။

ဖမ်းဆီးခံထားရတဲ့ အနုပညာရှင်တွေထဲမှာဆိုရင် ပြေတီဦးနဲ့ အိန္ဒြာကျော်ဇင်တို့ဇနီးမောင်နှံနှစ်ဦးလည်းပါ၀င်ပြီး (၅)လနီးပါးရှိနေပြီဖြစ်ပါတယ်။ အနုပညာအသိုင်းအဝိုင်းကသူတွေနဲ့ ပရိသတ်တွေကလည်း သူတို့နှစ်ဦးကိုအမြန်ဆုံးပြန်လည်လွတ်မြောက်စေချင်ကြပြီး ချစ်ရတဲ့မိသားစုလေးနဲ့အတူ ပြန်မြင်ချင်ကြတာပါ။ ပြေတီဦးရဲ့ မိတ်ဆွေတစ်ဦးဖြစ်တဲ့ ညီနန္ဒကလည်း ပြေတီဦးကို သတိရမိနေရင်း အိမ်မက် မက်တဲ့အကြောင်းလေးပြောလာပါတယ်။

ညီနန္ဒကလည်း ၅၀၅(က) နဲ့အမှုဖွင့်ခံထားရတာကြောင့် ရှောင်တိမ်းနေရတာဖြစ်ပြီး သူငယ်ချင်းပြေတီဦးနဲ့အတူ Gym အတူတူကစားနေတဲ့အကြောင်း အိမ်မက်မက်တာကြောင့် အိမ်မက်အတိုင်း အမြန်ဆုံးဖြစ်လာစေဖို့ဆုတောင်းမိကြောင်း သူ့ရဲ့ Facebookစာမျက်နှာမှာ ရေးသားလာပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။

သတင်း အရင်းအမြစ်៖ Nyi Nanda's Facebook acc