လတ်တလော မကွေးတိုင်းနှင့် စစ်ကိုင်းတိုင်းအတွင်းက မြို့နယ်တွေမှာ ဒေသခံပြည်သူတွေနဲ့ အာဏာရှင်လူတစ်စုရဲ့ လက်အောက်ခံတပ်တွေအကြား နှစ်ဖက်တင်းမာမှုတွေရှိနေတာ ဖြစ်ပါတယ်။ တချို့မြို့နယ်တွေမှာဆိုရင် လူသေဆုံးမှုတွေရှိတဲ့အပြင် နေအိမ်များပါ မီးရှို့ဖျက်စီးခံရတာတွေလည်း ရှိလာခဲ့ပါတယ်။ ဒီလို နှစ်ဖက်တင်းမာမှုတွေကြောင့် ကျေးရွာအတွင်းက ဒေသခံပြည်သူအများအပြားဟာ ထွက်ပြေးတိမ်းရှောင်နေခဲ့ရပါတယ်။
စတင်ဘာလ (၁၄)ရက်နေ့က မကွေးတိုင်း၊ မြိုင်မြို့နယ်၊ အေးချမ်းသာ စံပြကျေးရွာကို အာဏာရှင်လူတစ်စုက ဝင်ရောက်စီးနင်းခဲ့ကြောင်း သိရပါတယ်။ အဲ့လိုဝင်ရောက် စီးနင်းခြင်းမှာ ဒေသခံပြည်သူတချို့ သေဆုံးခဲ့ရသလို ဖမ်းဆီးခံရတာတွေလည်း ရှိခဲ့ပါတယ်။ ဒါ့အပြင် ကျေးရွာအတွင်းက ပြည်သူတွေပိုင်တဲ့ ကားတစ်စီးအပါအဝင် ဆိုင်ကယ်အများအပြားကို စုပုံပြီး မီးရှို့ဖျက်စီးခဲ့တာ တွေ့ရပါတယ်။
ဒါ့အပြင် အနီးအနားရှိ နေအိမ်တချို့ပါ ဝင်ရောက်ဖျက်စီးခံရတာတွေလည်း ရှိခဲ့ပါတယ်။ လက်ရှိအချိန်အထိ အေးချမ်းသာ စံပြကျေးရွာက ဒေသခံပြည်သူများဟာ ထွက်ပြေးနေရဆဲဖြစ်ပါတယ်။ အာဏာရှင်လူတစ်စုကတော့ အဆိုပါ အေးချမ်းသာ စံပြကျေးရွာရဲ့ အနီးအနားဝန်းကျင် ကျေးရွာများမှာ တပ်စွဲပြီး ဆက်လက် ရှိနေကြောင်း သိရပါတယ်။
သတင်း အရင်းအမြစ်៖ Source - MKM