ဗုဒ္ဓဘာသာဝင်တစ်ယောက်အနေနဲ့ လက်မခံနိုင်တဲ့စွပ်စွဲချက်တွေနဲ့ ဝေဖန်တိုက်ခိုက်မှုတွေကို ဝမ်းနည်းစွာရင်ဖွင့်လာတဲ့ ဆောင်းယွန်းစံ

သရုပ်ဆောင်မင်းသမီးချော ဆောင်းယွန်းစံကတော့ လက်ရှိမှာ စားဝတ်နေရေးခက်ခဲနေတဲ့ ပြည်သူတွေနဲ့ လိုအပ်နေတဲ့နေရာတွေကို လှူဒါန်းမှုတွေ ပြုလုပ်နေသူပဲ ဖြစ်ပါတယ်။

အခုလိုစီးပွားရေးကြပ်တည်းနေချိန်မှာ တတ်နိုင်တဲ့ဘက်ကနေ မကြာခဏလှူဒါန်းမှုတွေ ပြုလုပ်ပေးနေပေမယ့်လည်း ဝေဖန်တိုက်ခိုက်မှုတွေ ကြုံတွေ့နေရတာ တွေ့ရပါတယ်။

ဆောင်းယွန်းစံကတော့ ပြီးခဲ့တဲ့ရက်ပိုင်းက ဘားအံမြို့ရှိ တောင်တန်းသာသနာပြုဆရာတော်အတွက် လိုအပ်သော ဆန်၊ ဆီ၊ ကြက်သွန် စားသောက်ကုန်တွေနဲ့ အလှူငွေများ လှုဒါန်းပေးခဲ့ပါတယ်။ သူမရဲ့အဆိုပါအလှူလေးနဲ့ ပတ်သက်ပြီး ပရိသတ်တချိုရဲ့ ဝေဖန်တိုက်ခိုက်မှုတွေရှိခဲ့တာကြောင့် သူမအနေနဲ့ စိတ်မကောင်းဝမ်းနည်းနေရကြောင်း ရင်ဖွင့်ပြောပြလာတာ ဖြစ်ပါတယ်။

ဆောင်းယွန်းစံကတော့ ဗုဒ္ဓဘာသာဝင်တစ်ယောက်အနေနဲ့ လက်မခံနိုင်တဲ့စွပ်စွဲချက်တွေနဲ့ ဝေဖန်တိုက်ခိုက်မှုတွေ ကြုံတွေ့နေရတဲ့အတွက် ပြန်လည်ဖြေရှင်းပြောပြထားတာလည်း တွေ့ရပါတယ်။ စိတ်မကောင်းဖြစ်နေရသလို သူမဘက်က အပြစ်ဖြစ်သွားခဲ့ရင်လည်း တောင်းပန်ထားကာ အဲ့ဒီပို့စ်ရဲ့အောက်မှာတော့ ပရိသတ်တွေက အားပေးစကားတွေ ပြောထားကြတာ တွေ့ရပါတယ်။ 

သတင်း အရင်းအမြစ်៖ Saung Yoon San's Fb Acc