လူရွှင်တော်မိုးစက်ဟာ လတ်တလောမှာ အကြောင်းအမျိုးမျိုးကြောင့် စားဝတ်နေရေးအတွက် အခက်အခဲဖြစ်နေတဲ့ အနုပညာသမားတွေကို တစ်ဖက်တစ်လမ်းကနေ ကူညီလှူဒါန်းမှုတွေ ပြုလုပ်ပေးနေတာကြောင့် ပရိသတ်အားပေးချစ်ခင်နေကြတဲ့ အနုပညာရှင်လေးဖြစ်ပါတယ်။ မိုးစက်ဟာ ကိုယ်တိုင်လည်းရရှိတဲ့အနုပညာကြေးလေးတွေစုပေါင်းပြီး လှူဒါန်းသလို အများစုပေါင်းအလှူတွေမှာလည်း လုပ်အားဒါနတွေကူညီလေ့ရှိသူပါ ။
မိုးစက်ဟာ တက်သစ်စဟာသလူရွှင်တော်လေးဖြစ်ပေမယ့် သက်ကြီးရွယ်အိုလူရွှင်တော်ကြီးတွေအတွက်လည်း လှူဒါန်းပူဇော်မှုတွေပြုလုပ်ပေးနေပြီး တတ်နိုင်သလောက်အလှူတွေခံပေးကာ ကူညီဆောင်ရွက်ပေးနေတာဖြစ်ပါတယ်။ အခုအခါမှာဆိုရင်လည်း လူရွှင်တော်မိုးစက်ဟာ ချို့တဲ့တဲ့ အိမ်ထောင်စု (၁၀၀)စာအတွက် စားနပ်ရိက္ခာတွေ ကိုယ်တိုင်ကိုယ်ကျ သွားရောက်လှူဒါန်းပေးနေတာဖြစ်ပါတယ်။
မိုးစက်ဟာ အမျိုးသမီးလစဉ်သုံးပစ္စည်းတွေပါမကျန် လိုအပ်တာမှန်သမျှ ကိုယ်တိုင်ကိုယ်ကျ၀ယ်ယူကာ အလှူရှင်တွေရဲ့ စုပေါင်းအလှူလေးနဲ့အတူ သွားရောက်ပြီး ကူညီပေးခဲ့တာဖြစ်ပါတယ်။ ချို့တဲ့နေရတဲ့ အချိန်မှာအခုလိုကူညီပေးကြတဲ့ အလှူရှင်တွေကြောင့် ပြည်သူတွေလည်း၀မ်းသာပျော်ရွှင်နေကြတာကို တွေ့ရပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Moe Sat's Facebook acc