ပြီးခဲ့တဲ့ရက်ပိုင်းက အစ္စရေးနိုင်ငံရဲ့ လုံခြုံရေးအမြင့်ဆုံးထောင်မှာ ထောင်ဖောက်ထွက်ပြေးမှု ဖြစ်ပေါ်ခဲ့ပါတယ်။
ထောင်ဖောက်ထွက်ပြေးခဲ့တာကတော့ ဖမ်းဆီးခံထားရတဲ့ ပါလက်စတိုင်း စစ်သွေးကြွ ၆ ဦးဖြစ်တယ်လို့ သိရပါတယ်။
သူတို့ ၆ ဦးဟာ အစ္စရေးတွေကို သေအောင်တိုက်ခိုက်ခဲ့တဲ့ သံသယနဲ့ ဖမ်းဆီးခံထားရသူတွေ ပဲ ဖြစ်ပါတယ်။
၆ ဦးထဲက တစ်ဦးကတော့ စစ်ဦးစီးမှူးဟောင်းဖြစ်ပြီး ကျန်တဲ့သူတွေကတော့ အစ္စလာမစ် ဂျီဟတ်အဖွဲ့ဝင်တွေ ဖြစ်တယ်လို့လည်း သိရပါတယ်။
သူတို့ ၆ ဦးဟာ ထောင်ကြမ်းပြင်ရဲ့ အပေါက်ကနေတစ်ဆင့် ထောင်ဖောက်ထွက်ပြေးခဲ့တာ ဖြစ်ပါတယ်။
ဒါပေမယ့်လည်း အစ္စရေးစစ်တပ်က ထွက်ပြေးသူတွေထဲက ၄ ယောက်ကို ပြန်လည်ဖမ်းဆီးနိုင်ခဲ့ပြီး ၂ ယောက်ကတော့ လွတ်မြောက်နေဆဲပဲ ဖြစ်ပါတယ်။
Reuters
သတင်း အရင်းအမြစ်៖ Reuters
Bong I.T