New York ပွဲမှာတင် မြန်မာနိုင်ငံအတွက် ရန်ပုံငွေဒေါ်လာ ရှစ်သောင်းနီးပါးရရှိခဲ့တဲ့ ဝမ်းသာစရာသတင်းကို ပြောပြလာတဲ့ ဆောင်းဦးလှိုင်

နာမည်ကြီး တေးရေး၊တေးဆိုတစ်ဦးဖြစ်တဲ့ အဆိုတော် ဆောင်းဦးလှိုင်ကတော့ ယခုလက်ရှိမှာဆိုရင် မြန်မာနိုင်ငံအတွက် ရန်ပုံငွေရှာဖွေရေး ခရီးစဥ်ကို စတင်နေတာပဲ ဖြစ်ပါတယ် ။ ဆောင်းဦးလှိုင်က နွေဦးတော်လှန်ရေးရန်ပုံငွေရှာဖွေပွဲ USA Tour အတွက် ပထမဆုံးအနေနဲ့ မြို့(၅)မြို့ကို ကြေညာခဲ့တာ ဖြစ်ပါတယ် ။ Boston,Albany,Chapel Hill ဆိုတဲ့မြို့တွေမှာ ဖျော်ဖြေပြီးခဲ့ပြီဖြစ်တဲ့ ဆောင်းဦးလှိုင်က ပြီးခဲ့တဲ့ စက်တင်ဘာလ (၁၁)ရက်နေ့မှာတော့ New York မြို့မှာ သီဆိုဖျော်ဖြေခဲ့တာ ဖြစ်ပါတယ်။

ဒီပွဲမှာတော့ ဆောင်းဦးလှိုင်က မြန်မာနိုင်ငံအတွက် ရန်ပုံငွေ ဒေါ်လာ(၈)သောင်းနီးပါး ရရှိနေပြီဖြစ်ကြောင်း ပြည်သူတွေကို ဝမ်းသာအားရ ပြောပြလာခဲ့တာပဲ ဖြစ်ပါတယ် ။ ဆောင်းဦးလှိုင်က သူ့အတွက် ချီးမြှင့်ငွေ Tips ဒေါ်လာတစ်သောင်းကျော်အပါအဝင် ဂစ်တာလေလံအောင်တဲ့ ဒေါ်လာခုနှစ်ထောင်နဲ့ အမေစုပန်းချီကားလေလံတင်တာကရရှိတဲ့ ဒေါ်လာခုနှစ်ထောင်တို့ကိုလည်း ပြန်လည်ထည့်ဝင်လှူဒါန်းနိုင်ခဲ့တယ်လို့လည်း ပြောပြထားပါသေးတယ်။

ဒီပွဲမှာ ထူးထူးခြားခြားအနေနဲ့ ဆရာဝန်ကြီးဇနီးမောင်နှံမိသားစုတစ်စုတည်းကနေ ဒေါ်လာတစ်သောင်းတိတိ ထည့်ဝင်လှူဒါန်းခဲ့တယ်လို့လည်း သိရပါတယ်။ ပွဲစဥ်(၄)ခု ပြီးဆုံးသွားတဲ့အချိန်မှာတော့ ဒေါ်လာတစ်သိန်းခွဲနီးပါး မြန်မာနိုင်ငံအတွက် ရရှိနေပြီဖြစ်ကြောင်း ဆောင်းဦးလှိုင်က ပြောပြခဲ့ပါတယ်။ လာမယ့် စက်တင်ဘာလ (၁၉)ရက်နေ့မှာတော့ ဆောင်းဦးလှိုင်က Louisvillie, Kentucky မှာ ဖျော်ဖြေဖို့ရှိနေသေးတာ ဖြစ်ပါတယ် ။

Source & Photo Credit-Song Oo Hlaing's FB Acc