စစ်မှန်တဲ့ ဖယ်ဒရယ်ဒီမိုကရေစီကို လိုလားကြတဲ့ GZလူငယ်တွေကတော့ ယနေ့အချိန်ထိ အာဏာရှင်လူတစ်စုကို နည်းမျိုးစုံဖြင့် ဆန္ဒပြတော်လှန်လှုပ်ရှားနေကြတာဖြစ်ပါတယ်.....။ Gen Zလူငယ်လေးတွေဟာ ပြည်သူ့ကာကွယ်ရေးတပ်မတော် PDF တွေအနေနဲ့ ခံယူပြီး လွတ်မြောက်ဒေသတွေမှာ စစ်ပညာကြိုးစားသင်ယူနေကြတာပါ ။ အခက်အခဲဒုက္ခမျိုးစုံကြားကနေ စစ်ရေးအတွက်ပြင်ဆင်ပြီး အရာရာစွန့်လွှတ်တိုက်ပွဲ၀င်နေကြတဲ့ လူငယ်လေးတွေနဲ့ စိတ်ဓာတ်နဲ့ သတ္တိကတော့ လေးစားဂုဏ်ယူစရာကောင်းလွန်းပါတယ်။
မြန်မာ့ဒီမိုကရေစီအရေးအတွက် ပြည်သူတစ်ရပ်လုံးဟာ အဖက်ဖက်ကနေကြိုးစားနေကြပြီး စစ်ရေးတွေအပြင် မြေပြင်ဆန္ဒပြသပိတ်တွေနဲ့ပါ တော်လှန်နေကြသလို ကုလသမဂ္ဂမှာလည်း သံတမန်ရေးအရ ကြိုးစားနေကြတာဖြစ်ပါတယ်။ သံအမတ်ကြီး ဦးကျော်မိုးထွန်းအနေနဲ့လည်း ကုလသမဂ္ဂမှာ NUG အစိုးရကိုအသိအမှတ်ပြုနိုင်ရေးအတွက် ကိုယ်စွမ်း ဉာဏ်စွမ်းရှိသလောက် ကြိုးစားနေတာကိုလည်း တွေ့မြင်ရပါတယ်။
ဦးကျော်မိုးထွန်းအား ထောက်ခံကြတဲ့အနေနဲ့ မြန်မာပြည်သူတွေဟာ လက်ပတ်နီ Campaign ပြုလုပ်ကြပြီး ပုံရိပ်တွေကိုလည်း social mediaတွေမှာ မျှဝေထားကြတာကိုတွေ့ရပါတယ်။ တောထဲက GZ လူငယ်လေးတွေဟာလည်း လက်ပတ်နီကမ်းပိန်းမှာ ပါ၀င်ကြပြီး ဦးကျော်မိုးထွန်းဟာ ၀န်းရံခဲ့ကြပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Hlaing Generation Z's Facebook page