တော်လှန်ရေးတိုက်ပွဲကြီးအတွက် ပြည်သူတွေမှာ ပေးဆပ်မှုတွေများပြားနေပြီး မျိုးဆက်သစ်လူငယ်တွေမှာလည်း တောထဲမှာစစ်သင်တန်းတွေတက်ရောက်ကာ လက်နက်ကိုင်တော်လှန်နေကြပြီ ဖြစ်ပါတယ်။
တောထဲတောင်ထဲ မိုးထဲလေထဲမှာ ဖြစ်သလိုကြုံသလိုနေထိုင်စားသောက်ရင်း အာဏာရှင်ကိုဖြုတ်ချဖို့နဲ့ ရှေ့ဆက်ရမယ့်အနာဂတ်တွေအတွက် အစွမ်းကုန်အားတင်းကြိုးစားနေကြတာပဲ ဖြစ်ပါတယ်။
တောထဲမှာ အနေအစားဆင်းရဲလွန်းတဲ့အတွက် ထမင်းစားခါနီး လောက်ကောင်လေးတွေပါလာတာမြင်ပေမယ့် ဗိုက်ဆာလွန်းတာကြောင့် မသွန်ပစ်နိုင်ပဲ စားလိုက်ရတဲ့အဖြစ်တွေလည်း ရှိနေကြပါတယ်။
ဆက်စားရမလား သွန်ပစ်ရမလားဝေခွဲမရဖြစ်ရပေမယ့် လောက်တက်နေတဲ့ ထမင်းဟင်းတွေကို အံ့ကြိတ်မြိုချရင်း ဗိုက်ဖြည့်ကာ တော်လှန်ရေးအတွက် ကြိုးစားနေကြတာဟာ တကယ်ကို ရင်နာစရာကောင်းလွန်းပါတယ်။
အဆိုပါအကြောင်းအရာတွေကိုတော့ တော်လှန်ရေးရဲဘော်တစ်ဦးက ဓာတ်ပုံတွေနဲ့တကွ စိတ်မကောင်းစွာ ပြောပြထားတာဖြစ်ပြီး ပြည်သူတွေအနေနဲ့လည်း ရင်နာစိတ်မကောင်းဖြစ်နေကြတာ ဖြစ်ပါတယ်။
ခက်ခဲကြမ်းတမ်းတဲ့လမ်းမှာ ပန်းကန်မရှိဘဲ ထတင်းစားရသလို တောထဲမှာ အသားမပါတဲ့ဟင်းကိုတောင် ကြိုက်တတ်နေကြတဲ့ သူရဲကောင်းတွေရဲ့ အနစ်နာခံပေးဆပ်မှုတွေကို ပြည်သူတွေကလည်း အမှတ်ရလေးစားနေကြတာပါ။
သတင်း အရင်းအမြစ်៖ Aung Htoo Aung Htoo's Fb Acc