စပိန်နိုင်ငံတောင်ပိုင်းမှာ ပြီးခဲ့တဲ့ စက်တင်ဘာ ၈ ရက် ညနေက တောမီးစတင်လောင်ကျွမ်းခဲ့ပါတယ်။
ဒီတောမီးဟာ Sierra Bermeja တောင်တန်းထဲရှိ တောအုပ်မှာလောင်ကျွမ်းခဲ့တာဖြစ်ပြီး ဒီတောမီးကို လေယာဥ် ၆၉ စီးလောက်ထိအသုံးပြုကာ ငြှိမ်းသတ်ခဲ့ကြတယ်လို့ သိရပါတယ်။
ဒါ့အပြင် ၁၁ ရက်နေ့မနက်အထိ မီးကိုညှိမ်းသတ်နိုင်သေးခြင်းမရှိသေးတာကြောင့် ဟက်တာ ၃၆၀၀ ဝန်းကျင်လောက် မီးလောင်ကျွမ်းသွားခဲ့ပါတယ်။
ဒီတောမီးကြောင့် အနီးနားပတ်ဝန်းကျင်မှာရှိတဲ့ လူပေါင်း ၁၀၀၀ ကျော်လောက်ကိုလည်း ဘေးလွတ်ရာကို ရွေ့ပြောင်းပေးခဲ့ရတယ်လို့ သိရပါတယ်။
သေဆုံးသူအနေနဲ့ကတော့ စက်တင်ဘာလ ၉ ရက်နေ့ညက အသက် ၄၄ နှစ်အရွယ် မီးသတ်သမား တစ်ဦးသေဆုံးခဲ့ပါတယ်။
လက်ရှိမှာတော့ မီးကိုငြိမ်းသတ်နိုင်ခဲ့ပြီဖြစ်ပြီး အာဏာပိုင်တွေကတော့ ဒီမီးကို ရှို့မီးဖြစ်နိုင်တယ်လို့ ယူဆထားသလို စုံစမ်းစစ်ဆေးမှုတွေပြုလုပ်နေတယ်လို့လည်း သိရပါတယ်။
သတင်း အရင်းအမြစ်៖ Reuters