ချင်းပြည်နယ်အတွင်းက မင်းတပ် CDF တွေကတော့ ဖက်ဒရယ်ဒီမိုကရေစီကို ပြန်လည်ရရှိဖို့အတွက် တစ်နိုင်ငံလုံးက ပြည်သူတွေနဲ့အတူ ရရာလက်နက်ဖြင့် တော်လှန်လာခဲ့ကြတာ လက်ရှိအချိန်ထိပါပဲ။ အာဏာရှင်လူတစ်စုရဲ့ ထိုးစစ်ဆင်တိုက်ခိုက်မှုတွေကို လတ်တလောမှာ အကောင်းဆုံးခုခံနေပြီး ထိတွေ့တိုက်ပွဲတွေကလည်း မကြာခဏဖြစ်ပွားလာခဲ့ပါတယ်။ မင်းတပ် CDF တွေဟာ ပြီးခဲ့တဲ့ရက်ပိုင်းက ပြည်သူတွေနဲ့အတူ ပူပေါင်းပါဝင်ချင်တဲ့ တပ်သားတွေကို ဆုငွေများချီးမြှင့်ပေးပြီး နွေးထွေးစွာ ဖိတ်ခေါ်ခဲ့ကြတာကို တွေ့လာရပါတယ်။
နွေဦးတော်လှန်ရေးကာလမှာ အာဏာရှင်လူတစ်စုကို မင်းတပ်မြို့က ပြည်သူ့ကာကွယ်ရေး CDF တပ်တွေက ပထမဆုံးစတင် တော်လှန်လာခဲ့တဲ့ သူရဲကောင်းတပ်ဖွဲ့ ဖြစ်ခဲ့ကြပါတယ်။ ဒီလို အာဏာရှင်ကို တွန်းလှန်တော်လှန်ရင်းလည်း ရဲဘော်တချို့ အသက်ပေးခဲ့ရပါတယ်။ ယခုမှာလည်း ဒီမိုကရေစီတိုက်ပွဲဝင်နေတဲ့ မင်းတပ် CDF တပ်ဖွဲ့ဝင် တစ်ဦးရဲ့ သေတမ်းစာတစ်စောင်ဟာ လူမှုကွန်ယက်မှာပျံ့နှံ့လာတာ တွေ့ရပါတယ်။
CDF တပ်သားတစ်ဦးဟာ ဒီမိုကရေစီအတွက် တိုက်ပွဲဝင်နေရင်း ကျဆုံးခဲ့သည်ရှိသော် မင်းတပ်မြို့နယ်ပြည်သူ့အုပ်ချုပ်ရေး နှင့် ချစ်သောရဲဘော်များအား သိရှိစေရန် ဒီစာကိုရေးသားထားခဲ့တာ ဖြစ်ပါတယ်။ ဖက်ဒရယ် ဒီမိုကရေစီပြည့်ဝတဲ့နိုင်ငံ ထူထောင်ဖို့အတွက် ပြင်းပြတဲ့ အဆိုပါတပ်သားရဲ့ စိတ်ဓာတ်နဲ့ ခံယူချက်ကတော့ တကယ့်ကို လေးစားစရာ ကောင်းလှပါတယ်။ သူရဲ့ ခံယူချက်တွေနဲ့ သေတမ်းစာကို ပရိသတ်တွေလည်း ဖတ်ရှု့လို့ရအောင် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Source - C.D.F (Mindat)