Covid-19 ရဲ့ထိုးနှက်မှုကြောင့် မိသားစုတွေသေကွဲ ကွဲရတဲ့အဖြစ်မျိုးနဲ့ ကြုံတွေ့နေရတာဟာ အများကြီးမှ အများကြီးပါပဲ။
တစ်ချို့ကလည်း သားသမီးတွေကို ဆုံးရှုံးရ ၊ တစ်ချို့ကလည်း မိဘတွေကို ဆုံးရှုံးရနဲ့ ဒီကာလမှာ မိသားစုဝင်တွေ တစ်ယောက်ပီး တစ်ယောက် ကြွေလွင့်သွားတာကို မျက်ရည်တွေနဲ့ ကြည့်နေခဲ့ရသူတွေလည်း များစွာရှိကြပါတယ်။
အမေရိကန်နိုင်ငံက Charletta နဲ့ Troy Green တို့ဇနီးမောင်နှံဟာဆိုရင်လည်း ပြီးခဲ့တဲ့ရက်ပိုင်းကပဲ Covid-19 ကြောင့်ကွယ်လွန်သွားခဲ့ရပါတယ်။
သူတို့နှစ်ဦးဟာ ဆေးရုံမှာကုသခဲ့ကြပေမယ့်လည်း Charletta ဟာ ပြီးခဲ့တဲ့ စက်တင်ဘာလ ၆ ရက်နေ့မှာ သေဆုံးသွားခဲ့ပါတယ်။
ဒီအဖြစ်အပျက်ကိုသိလိုက်ရတဲ့ ယောကျာ်းဖြစ်သူ Troy ဟာလည်း ချစ်ဇနီးသေဆုံးပြီး ၈ နာရီအကြာမှာပဲ heart attack နဲ့သေဆုံးသွားခဲ့ပါတယ်။
Charletta နဲ့ Troy တို့ဇနီးမောင်နှံသေဆုံးသွားခဲ့ချိန်မှာတော့ သူတို့ရဲ့ရင်သွေးလေး ၇ ယောက်လုံးဟာ မိဘမဲ့တွေ ဖြစ်ခဲ့ရပါတယ်။
ရင်သွေးလေးတွေဟာ အသက် ၁၀ နှစ်ကနေ ၂၃ နှစ်ကြား ကလေးတွေဖြစ်ပြီး မိဘတွေမရှိတော့တဲ့အတွက် ဒီအချိန်ကနေစတင်ပြီး သူတို့ဘဝအတွက် ရုန်းကုန်ကြရတော့မှာပဲ ဖြစ်ပါတယ်။
တစ်ရက်ထဲမှာပဲ မိဘနှစ်ပါးလုံးကို ဆုံးရှုံးခဲ့ရတဲ့ ကလေးတွေအနေနဲ့လည်း ဒီအချိန်မှာ တော်တော်လေးခံစားနေကြရမယ်ထင်ပါတယ်။
သတင်း အရင်းအမြစ်៖ DailyMail
Bong I.T