ရန်ကုန်မြို့၊ မြန်မာပလာဇာတွင် ယနေ့ စက်တင်ဘာလ ၁၁ ရက်နေ့ နေ့လည်(၁)နာရီခန့်က တော်လှန်ရေးလူငယ်များနှင့် တကသကျောင်းသားဟောင်းများအင်အားစုတို့ ပူးပေါင်းပြီး စစ်အာဏာရှင် ကျဆုံးရမည်၊ အရေးတော်ပုံ အောင်ရမည်ဟု ကြွေးကြော်ကာ ပြောက်ကျား ဆန္ဒပြသပိတ်ပြုလုပ်ခဲ့ကြတာဖြစ်ပြီး ဈေး၀ယ်ပြည်သူတွေကလည်း လက်ခုပ်တွေတီးကာ လက်သုံးချောင်းထောင်ပြီး ပူးပေါင်းခဲ့ကြပါတယ်။
"ပြည်သူ့တော်လှန်ရေး ပြည်သူအားလုံးပါ၀င်ကြ" ဆိုတဲ့ ကြွေးကြော်သံတွေနဲ့ အစပြုကာဈေးဝယ်စင်တာတွေအထိပါ ပြည်သူတွေရဲ့သပိတ်တွေက အားကောင်းလာနေတာတွေ့ရပါတယ်။လူထူထူ လူစုစုမှာ လက်သုံးချောင်းထောင်လိုက်တာနဲ့ ကြွေးကြော်သံတိုင်လိုက်တာနဲ့ အာဏာရှင်ကိုအလိုမရှိကြောင်း ဆန့်ကျင်ကြတဲ့ပြည်သူတွေရဲ့ စိတ်ဓာတ်ကို video ဖိုင်မှာမြင်ရမှာပါ။
မြန်မာပလာဇာမှာပြုလုပ်ခဲ့တဲ့ ဆန္ဒပြသပိတ်ပုံရိပ်တွေနဲ့ ဗီဒီယိုတွေဟာဆိုရင် လူမှုကွန်ယက်စာမျက်နှာတွေမှာ ချက်ချင်းပျံ့နှံ့လာပြီး ချီးကျူးထားကြတဲ့မှတ်ချက်တွေလည်းများစွာရရှိနေတာဖြစ်ပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Myanmarload
Bong I.T