D Day နေ့ကို စတင်ကြေညာပြီးတဲ့နောက် အရင်ကထက် တိုက်ပွဲတွေဆက်တိုက်ပြင်းထန်လာပြီး အပြန်အလှန်ကျရှုံးတာတွေရှိနေတာ တွေ့ရပါတယ်။ အာဏာရှင်တွေရဲ့ အကြမ်းဖက်မှုတွေကို တွန်းလှန်ဖို့အတွက် PDF လူငယ်တွေဟာ တောထဲမှာ အနေအစားဆင်းရဲပင်ပန်းပေမယ့်လည်း လေ့ကျင့်မှုတွေကို မငြီးမငြူပြုလုပ်ကာ လက်နက်ကိုင်တိုက်ပွဲဝင်နေကြတာ ဖြစ်ပါတယ်။
တိုက်ပွဲတွေမှာ ရန်သူတွေကိုတွန်းလှန်တိုက်ထုတ်ရင်း ကျဆုံးသွားကြတဲ့ သူရဲကောင်းတွေရဲ့ နောက်ဆုံးခရီးတွေကို ကျန်ရစ်သူရဲဘော်တွေက တတ်နိုင်သလောက် အကောင်းဆုံးပို့ဆောင်ပေးနေကြတာတွေကလည်း ဒူးနဲ့ဒေးပါပဲ။ ဒီတစ်ခါမှာလည်း PDF လူငယ်လေး တစ်ယောက်ဟာ ရန်သူတွေကိုအတူတိုက်ရင်း ကျဆုံးသွားတဲ့ညီငယ်ရဲဘော်ကို ကိုယ်တိုင်မီးသဂြိုလ်ကာ ခံပြင်းစွာနဲ့ ယူကြုံးမရဝမ်းနည်းနေရပြန်ပါတယ်။
သွေးသားမတော်စပ်ကြပေမယ့် စစ်သင်တန်းတက်ရောက်နေတဲ့အချိန် ညီအစ်ကိုအရင်းတွေလို ချစ်ခင်လာကြပြီး ကျဆုံးသွားတဲ့ အချိန်တွေမှာလည်း နာကျည်းခံပြင်းမှုတွေနဲ့ ဝမ်းနည်းနေကြရတာပါ။
သူ့ရဲ့အနောက်ကနေပဲ တက်ဖို့မှာထားပေမယ့် အရှေ့ကတက်သွားလို့ ကျဆုံးသွားတဲ့ ညီငယ်ရဲဘော်လေးအတွက် ငြိမ်းချမ်းစေဖို့ကိုလည်း ဝမ်းနည်းမှုတွေကြားက ဆုတောင်းပေးထားသေးတာမို့ ဗီဒီယိုဖိုင်လေးကိုလည်း မျှဝေလိုက်ပါတယ်နော်။
သတင်း အရင်းအမြစ်៖ Saw Nay Thar's Fb Acc