ပြည်တွင်းရေး မငြိမ်သက်မှုတွေကြောင့် ပြည်သူတွေမှာ စိုးရိမ်ကြောင့်ကြမှုတွေနဲ့ အထိတ်တလန့်ဖြစ်နေကြရကာ အစစအရာရာဂရုစိုက်နေထိုင်နေရတဲ့ အခြေအနေပဲ ဖြစ်ပါတယ်။
လမ်းသွားလမ်းလာပြည်သူတွေကို အန္တရာယ်ပြုလုယက်တာတွေနဲ့ သတ်ဖြတ်မှုတွေ ကြုံတွေ့နေတဲ့အပြင် အိမ်အတွင်းထိဝင်ရောက်ကာ ခိုးဆိုးလုယက်နေတဲ့ မသမာသူတွေလည်း ရှိနေကြပါတယ်။
ဒီနေ့မှာလည်း ရန်ကုန်တိုင်းဒေသကြီး မြောက်ဒဂုံ(၃၄)ရပ်ကွက်မှာ မနက်(၄)နာရီကျော် ဝန်းကျင်လောက်က မသမာသူလူနှစ်ဦးဟာ ကားမှန်ရိုက်ခွဲပြီး ကားအတွင်းရှိပစ္စည်းတချို့ကို ယူဆောင်ခိုးယူမှု ဖြစ်ပွားခဲ့ပါတယ်။
အမျိုးသားလူနှစ်ဦးဟာ ကားမှန်ရိုက်ခွဲပြီး ပစ္စည်းတချို့ယူဆောင်သွားတဲ့အပြင် အိမ်ခြံတံခါးကိုပါ ရိုက်ဖွင့်ဖို့လည်း ကြိုးစားခဲ့ပေမယ့် ဖွင့်မရခဲ့ဘူးလို့ သိရပါတယ်။
ခြံအပြင်ကနေ အိမ်ထဲကို အခြေအနေလှမ်းကြည့်ပြီး ခြံတံခါးဖျက်ကာ အထဲဝင်ဖို့ကြိုးစားခဲ့ကြတာကို CCTV မှတ်တမ်း ဓာတ်ပုံတွေအရ တွေ့မြင်ရပါတယ်။
အဆိုပါဖြစ်စဉ်တွေအပြင် အခြားသော အလားတူဖြစ်ရပ်မျိုးတွေလည်း မကြာခဏဖြစ်ပွားနေတာကြောင့် ပြည်သူတွေအနေနဲ့ လုံခြုံစိတ်ချအောင် အထူးဂရုပြုနေထိုင်ကြဖို့ တိုက်တွန်းလိုက်ပါတယ်နော်။