အာဏာသိမ်းမှုဖြစ်စဉ်စတင်ခဲ့တဲ့ ဖေဖော်ဝါရီကတည်းက ယနေ့ထက်တိုင် ပြည်သူတွေလည်း ဒုက္ခများခဲ့ သလို တောထဲက PDF တွေရဲ့ဘဝတွေလည်း မအေးချမ်းနိုင်သေးပါဘူး။ (၈) လ ကျော်လာပြီဖြစ်တဲ့ ဒီတော်လှန်ရေးကာလကြီးဟာ နှစ်ဖက်အခြေအနေ ပိုမိုတင်းမာလာခဲ့ပြီး အထိအခိုက်အကျအဆုံး တွေလည်းရှိလာခဲ့ပါတယ်။ မအေးချမ်းတဲ့အခြေအနေတွေမို့ PDF တွေလည်း အသက်နဲ့ရင်းပြီး တိုက်ပွဲဝင်နေတဲ့ကာလတွေမှာ ဖြစ်သလိုနေ ဖြစ်သလိုစားရင်း အခြေအနေဆိုးတွေကို ကြံ့ကြံ့ခိုင်ရင်ဆိုင်နေခဲ့ပါတယ်။
ဒီနေ့မှာလည်း PDF လူငယ်လေးတစ်ယောက်ဟာ သူတို့အဖွဲ့သားတွေရဲ့ တောထဲက ဖြတ်သန်းမှုပုံရိပ် တစ်ချို့ကို လူမှုကွန်ယက်မှာဝေမျှလာခဲ့ပါတယ်။ ခက်ခဲတယ်ဆိုတာထက်ပိုတဲ့ အခြေအနေဆိုးတွေကို ရင်ဆိုင်နေရပေမယ့် တစ်ချက်လေးမှ မညီးညူဘဲ ပြည်သူ့အောင်ပွဲအတွက် ရေဆုံးမြေဆုံးကြိုးစားပေးနေ ကြတာ ကျေးဇူးတင်စကားကောင်းပါတယ်။ ရှိတာလေးနဲ့မျှစားရင်း ရဲဘော်ရဲဘက်စိတ်အပြည့်နဲ့ အပြန်အလှန်ဖေးမကူညီနေခဲ့ကြပါတယ်။
အစားအသောက်ရှားပါးတဲ့အချိန်တွေမှာလည်း ဖြစ်သလိုမျှစ်လေးတွေချိုးပြီးစားခဲ့ကြပါတယ်။ ထမင်းတွေကိုဒယ်အိုးထဲထည့်ကာ ပုန်းရည်ကြီးသုပ်နဲ့နယ်ပြီး ဒယ်အိုးထဲကပဲ အတူတူနှိုက်စားခဲ့တဲ့ စည်းလုံးမှုဟာလည်း မြင်ရတဲ့သူတွေအတွက်တော့ ဝမ်းနည်းဝမ်းသာ ဖြစ်ရပါတယ်။ စည်းလုံးမှု၊ စိတ်ဓာတ်ကြံ့ခိုင်မှုတွေအပြင် မတရားမှုကိုခေါင်းငုံ့မခတ်တတ်တဲ့ စိတ်ထားလေးတွေကြောင့်လည်း ပြည်သူတွေရဲ့ချစ်ခြင်းမေတ္တာကိုအပြည့်အဝရထားတဲ့ PDF လေးတွေဖြစ်နေခဲ့တာပါ။
သတင်း အရင်းအမြစ်៖ ဗိုလ်နဂါး's FB Acc