သူမနဲ့ရင်သွေးလေးအတွက် ဂုဏ်ပြုဆုတောင်းပေးကြတဲ့ အနုပညာရှင်သူငယ်ချင်းတွေနဲ့ မိတ်ဆွေ တွေအပေါ် ကျေးဇူးတင်စကားဆိုလိုက်တဲ့ အောန်ဆိုင်း

မော်ဒယ်အောန်ဆိုင်းကတော့ လူထုလှုပ်ရှားမှုတွေပြုလုပ်တဲ့ အချိန်ကတည်းက တစ်ဖက်တစ်လမ်းကနေ ပါဝင်အားဖြည့်ခဲ့သူဖြစ်ပြီး လမ်းပေါ်မှာရှိတဲ့ အမှိုက်တွေကိုပါ ရှင်းလင်းပေးခဲ့တာ ဖြစ်ပါတယ် ။ လက်ရှိအချိန်မှာတော့ အောန်ဆိုင်းအနေနဲ့ ပထမဆုံးရင်သွေးလေးကို ကိုယ်ဝန်စတင်လွယ်ထားရပြီ ဖြစ်ပါတယ် ။ ဒါကြောင့် အောန်ဆိုင်းက ပြီးခဲ့တဲ့ရက်ကပဲ လူမှုကွန်ယက်စာမျက်နှာကတစ်ဆင့် အားလုံးကိုအသိပေးခဲ့တာ ဖြစ်ပါတယ် ။

ကိုယ်ဝန်ရှိနေပြီဖြစ်တဲ့ အောန်ဆိုင်းရဲ့သတင်းကိုကြားပြီး အားလုံးကလည်း သူမအတွက် ဝမ်းသာပီတိဖြစ်ခဲ့ရတာ ဖြစ်ပါတယ် ။ သူမရဲ့ပရိသတ်တွေအပါအဝင် အနုပညာရှင် တော်တော်များများနဲ့ မိတ်ဆွေအပေါင်းအသင်းတွေအားလုံးက အောန်ဆိုင်းနဲ့ သူမရဲ့ရင်သွေးလေးအတွက် ဆုတောင်းပေးခဲ့ကြတာ ဖြစ်ပါတယ် ။ အောင်လအန်ဆန်ကပါ အောန်ဆိုင်းအတွက် ဂုဏ်ပြုစကားပြောပေးထားတာလည်း တွေ့ရပါတယ်။

ဒါကြောင့် အောန်ဆိုင်းက သူမတို့မိသားစုလေးအတွက် ထပ်တူထပ်မျှ ဝမ်းသာပြီး ဂုဏ်ပြုပေးတဲ့သူတွေကို တစ်ဖန်ပြန်လည် ကျေးဇူးတင်စကားဆိုခဲ့ပါသေးတယ်။ အောန်ဆိုင်းက "THANK YOU for all the beautiful messages ,wishes & blessings." ဆိုပြီး ပုံလေးတွေကိုပါ မျှဝေပေးထားတာ တွေ့ရပါတယ်။ ကိုယ်ဝန်လွယ်ထားရပေမယ့် အရင်ကထက်တောင် ပိုလှနေဆဲဖြစ်တဲ့ မိခင်လောင်းလေး အောန်ဆိုင်းရဲ့ပုံအသစ်လေးတွေကို ထပ်မံဖော်ပြပေးလိုက်ရပါတယ်။

Source & Photo Credit-AwnSeng's IG Acc