အမေရိကားရဲ့ MasterChef season(11) ပြိုင်ပွဲကြီးမှာ ဖိုင်နယ်ကိုတက်လှမ်းသွားပြီဖြစ်တဲ့ မြန်မာအမျိုးသမီးလေး စု

မြန်မာပရိသတ်တွေရဲ့အားပေးမှုကို အခိုင်အမာရရှိထားတဲ့ MasterChef America Season 11 ပြိုင်ပွဲဝင် စု ဟာ နောက်ဆုံးဖိုင်နယ်အဆင့်ကို တက်လှမ်းသွားခဲ့ပြီ ဖြစ်ပါတယ်.....။ ထူးခြားတာကတော့ MasterChef (season 11) ပြိုင်ပွဲမှာ မြန်မာအမျိုးသမီးလေးစုက မြန်မာဟင်းလျာတွေကို ဆန်းသစ်ပြီး မြန်မာ့အစားအစာကိုကမ္ဘာသိအောင် ကြိုးစားယှဉ်ပြိုင်နေတာပဲဖြစ်ပါတယ်။

မြန်မာပရိသတ်တွေရဲ့အချစ်တော် မြန်မာအမျိုးသမီးလေး စု ဟာ Season 11 ရဲ့ အပိုင်း ၁၅ မှာ Culinary Triathlon ရဲ့အပိုင်းသုံးခုအတွက် ဟင်းလျာ သုံးမျိုးကို ချက်ပြုတ်ခဲ့ရပြီး MasterChef အစီအစဉ်ရဲ့ပဲ့ကိုင်ရှင်လည်းဖြစ်တဲ့ ဂေါ်ဒွန်ရမ်ဆီ အပါအဝင် နာမည်ကြီး စားဖိုမှူးသုံးယောက်ရဲ့အဆုံးအဖြတ်ကို ခံယူပြီးတဲ့နောက်မှ စု က ဖိုင်နယ်အဆင့်ကို တက်လှမ်းခွင့်ရရှိသွားတာပဲဖြစ်ပါတယ်။

မြန်မာ့ဂုဏ်ဆောင် စု ဟာ ဖိုင်နယ်အဆင့်မှာတော့ ကယ်လ်ဆေး၊ အော်တွန် စတဲ့ပြိုင်ဘက်တွေနဲ့ ဆက်လက် ယှဉ်ပြိုင်ရမှာဖြစ်ပြီး Season 11 ရဲ့အပိုင်း ၁၅ အပြီးမှာ အိမ်ပြန်လိုက်ရသူကတော့ အေလီဇန်ဒရိုပဲ ဖြစ်ပါတယ်။ ထူးခြားမှုတစ်ခုအနေနဲ့ ဖိုင်နယ်အဆင့်ဆီကို တက်ရောက်လာသူ သုံးယောက်လုံးက ပထမဆုံးအကြိမ်အဖြစ် အမျိုးသမီးစားဖိုမှူးတွေဖြစ်နေကြတာပဲ ဖြစ်ပါတယ်။

သတင်း အရင်းအမြစ်៖ Myanmarload