ပြည်သူချစ် ဝါရင့်အနုပညာရှင်တစ်ဦးဖြစ်တဲ့ ဦးချစ်စရာကတော့ လက်ရှိမှာကျန်းမာရေးထိခိုက်မှုရှိနေပြီး အရေးပေါ်ကုသမှုခံယူနေရတာဖြစ်ပါတယ်။ အောက်ဆီဂျင်ကျသွားတာကြောင့် ဝေဠုကျော်ဖောင်ဒေးရှင်းက ဦးဆောင်ပြီး ပြီးခဲ့တဲ့ရက်ပိုင်းအတွင်းက ဆေးရုံကိုပို့ဆောင်ပေးခဲ့ရပြီး နှလုံးနဲ့ ဆီးချိုရောဂါလည်းရှိတာကြောင့် လက်ရှိအချိန်ထိ အောက်ဆီဂျင်ပေးထားရတာဖြစ်ပါတယ်။
ကိုဗစ်ကူးစက်ခံရခြင်းမရှိပေမယ့် ဦးချစ်စရာရဲ့ ရောဂါအခံကြောင့် အောက်ဆီဂျင်ကျသွားခဲ့တာဖြစ်တယ်လို့ သိရပါတယ်။ ဦးချစ်စရာကျန်းမာရေးထိခိုက်တဲ့အချိန်ကစပြီး ဝေဠုကျော်ဖောင်ဒေးရှင်းက တတ်နိုင်သရွေ့ကူညီမှုတွေပြုလုပ်နေပြီး ဆေးရုံတင်ပေးပြီးတဲ့အထိပါ ကူညီစောင့်ရှောက်မှုတွေပြုလုပ်ပေးနေတာဖြစ်ပါတယ်။
အနုပညာရှင်အချင်းချင်းကိုလည်း စေတနာအပြည့်နဲ့ ကူညီစောင့်ရှောက်မှုပေးနေတဲ့ ဝေဠုကျော်ဖောင်ဒေးရှင်းကို ပရိသတ်တွေလည်း လေးစားနေကြပြီး ဦးချစ်စရာတစ်ယောက်လည်း အမြန်ဆုံးသက်သာလာစေဖို့ဆုတောင်းပေးနေကြတာဖြစ်ပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။