စူပါမော်ဒယ် အောန်ဆိုင်းကတော့ မနေ့ကပဲ သူမရဲ့လူမှုကွန်ယက်စာမျက်နှာထက်မှာ ဝမ်းသာစရာသတင်းတစ်ခုကို အားလုံးသိအောင် ကြေညာလိုက်တာ တွေ့ရပါတယ်။ ဒါကတော့ အောန်ဆိုင်းတစ်ယောက် သူမတို့ရဲ့ပထမဆုံးရင်သွေးလေးကို ကိုယ်ဝန်လွယ်ထားရပြီဆိုတဲ့သတင်းပဲ ဖြစ်ပါတယ် ။ အရမ်းချစ်ရတဲ့ချစ်သူနဲ့ ပျော်ရွှင်စရာဘဝလေးတစ်ခုကို တည်ဆောက်ခဲ့တဲ့ အောန်ဆိုင်းက မကြာခင်မှာပဲ မိသားစုဝင် အသစ်လေးကိုရရှိတော့မှာ ဖြစ်ပါတယ် ။
အရင်ကတည်းက အောန်ဆိုင်းက သူမဘဝရဲ့လက်တွဲဖော်ကို အားလုံးသိအောင် တရားဝင်ချပြခဲ့တာ ဖြစ်ပါတယ် ။ အောန်ဆိုင်းရဲ့ချစ်သူက ငါးမျှားတံမှာ လက်စွပ်ချိတ်ပြီး သူမကို Romantic ဆန်ဆန် လက်ထပ်ခွင့်တောင်းခဲ့တာလည်း ဖြစ်ပါတယ် ။ နောက်ပိုင်းမှာတော့ သူမတို့စုံတွဲလေးက လူထုလှုပ်ရှားမှုတွေမှာ တစ်ဖက်တစ်လမ်းကနေ ပါဝင်ကူညီခဲ့သေးတာ ဖြစ်ပါတယ် ။ အခုဆိုရင် အောန်ဆိုင်းက ကိုယ်ဝန်လွယ်ထားရပြီဖြစ်ကြောင်း ပုံလေးတွေနဲ့အတူ အားလုံးကိုအံ့အားသင့်စေခဲ့တာ ဖြစ်ပါတယ် ။
ကိုယ်ပိုင်မိသားစုဘဝလေးတစ်ခုကို ပိုင်ဆိုင်ရတော့မယ့် အောန်ဆိုင်းအတွက် ပရိသတ်တွေနဲ့အတူ သူမရဲ့မိတ်ဆွေတွေကလည်း ဝမ်းသာဂုဏ်ယူနေကြတာ ဖြစ်ပါတယ် ။ အောန်ဆိုင်းကလည်း "Our little miracle is on the way!" ဆိုပြီး မကြာခင်လူ့လောကထဲကို ရောက်လာတော့မယ့် ရင်သွေးလေးအတွက် ကြည်နူးပီတိဖြစ်နေတာ ဖြစ်ပါတယ် ။ ပထမဆုံးရင်သွေးလေးကို ကိုယ်ဝန်လွယ်ထားရပြီဖြစ်တဲ့ မိခင်လောင်းလေး အောန်ဆိုင်းရဲ့ပုံရိပ်တွေကို ပရိသတ်တွေအတွက် ပြန်လည်ဖော်ပြပေးလိုက်ရပါတယ်။
Source & Photo Credit-Awn Seng's IG Acc