၁၉၄၄ ခုနှစ်ဇွန်လ ၆ ရက်နံနက်မှာ အိုမာဟာကမ်းခြေကို ရောက်ရှိလာတဲ့ Waverly B. Woodson ကို မအီမသာနဲ့ သွေးစွန်းမှုတွေဟာ သူ့ကို နှုတ်ဆက်ခဲ့ပါတယ်။ ဂျာမန်စစ်တပ်တွေဟာ သူတို့ဆင်းလာခဲ့တဲ့ လေသင်္ဘောကို ဖျက်စီးခဲ့ပြီး သူကိုလည်း ဂျာမန်စစ်သားတစ်ယောက်က လာရောက်တိုက်ခိုက်ခဲ့တာမို့ သွေးများနဲ့ သူ့ကိုသူသေပြီ ထင်ခဲ့ပါတယ်။ Woodson ဟာ D-Day တုန်းကပါ၀င်ခဲ့တဲ့ African-American လူမျိုးတစ်ယောက်ဖြစ်ပါတယ်။ ဒါပေမယ့်လည်းသူဟာ ဆေးတပ်သားဖြစ်သည့်အလျောက် ဆေးဘက်ဆိုင်ရာအကူအညီဌာနကို ပြုလုပ်နိုင်ခဲ့ပြီး သူအပါအ၀င် နာရီ ၃၀တောက်လျှောက် ကျည်ဆံများဖယ်ရှားခြင်း၊ သွေးရည်ကြည်ထုတ်ခြင်း၊ ဒဏ်ရာများကိုသန့်စင်ပေးခြင်း၊ ကျိုးနေသောအရိုးများကိုပြန်လည်ပြင်ဆင်ခြင်းနှင့်ခြေတစ်ဖက်ဖြတ်တောက်ခြင်းတို့ ပြုလုပ်ခဲ့ပါတယ်။
ရေနစ်နေတဲ့လူ ၄ ယောက်ကိုလည်း သူဟာကယ်တင်ပေးခဲ့ပါသေးတယ်။ အနည်းဆုံးလူ ၂၀၀ ကိုကုသပြီးနောက်ဆုံးမှာ Woodson ဟာ သူရဲ့ ဒဏ်ရာကြောင့် လဲကျသွားပြီး ဆေးရုံသင်္ဘောသို့ပို့ဆောင်ခံလိုက်ရပါတယ်။ ရက်အနည်းငယ်ကြာပြီနောက် သူဟာ Omaha ကမ်းခြေကို ပြန်သွားဖို့ တောင်းဆိုခဲ့ပါတယ်။ အမေရိကန်ကို သူပြန်ရောက်ချိန်မှာ လူမဲသတင်းစာထဲမှာ Woodson ကို “No. 1 invasion hero” ဆိုပြီး တင်စားဂုဏ်ပြုကြပါတယ်။ အမေရိကန်စစ်တပ်သတင်းစာ Stars and Stripes အပါအ၀င် အခြားသတင်းစာတိုက်များကလည်းချီးမွမ်းခဲ့ကြပါတယ်။ အမေရိကန်စစ်တပ်သည် ၁၉၄၄ ခုနှစ် ဩဂုတ်လတွင် “ ကျိုးနွံသော နီဂရိုးအမေရိကန်စစ်သည် " ဆိုပြီး သူ့ရဲ့ရဲရင်းမှုအတွက် သတင်းထုတ်ပြန်ခဲ့ပါတယ်။
D-Day ကိုအဓိကဦဆောင်ခဲ့သူနှင့် သမ္မတဖြစ်လာသူ Gen. Dwight D. Eisenhower တောင်ပင် Woodson ကို “ သူ့ရဲ့ရည်မှန်းချက်ကို ရဲရင့်မှုနဲ့စိတ်ထက်သန်စွာ ထမ်းဆောင်ခဲ့ပြီး လေကြောင်းကာကွယ်ရေးအဖွဲ့ရဲ့အရေးပါတဲ့အစိတ်အပိုင်းတစ်ခုဖြစ်ကြောင်းသက်သေပြနိုင်ခဲ့တယ်။ ” လို့ ချီးကျူးခဲ့ပါတယ်။ ဒါပေမယ့် Woodson ဟာ ထူးခြားသောစွမ်းရည်ကိုပြသနိုင်တဲ့ သူများအားပေးအပ်တဲ့ အမေရိကန်စစ်တပ်ရဲ့ အမြင့်ဆုံးဂုဏ်ပြုဆုတံဆိပ်ကိုဘယ်သောအခါမှမရခဲ့ပါဘူး။ တကယ်တော့ ဒုတိယကမ္ဘာစစ်အတွင်းပေးအပ်ခဲ့တဲ့ဂုဏ်ပြုဆု ရာပေါင်းများစွာထဲက စစ်ပွဲအတွင်း အာဖရိကန်-အမေရိကန် ၁ သန်းကျော် တာ၀န်ထမ်းဆောင်ခဲ့ပေမယ့်လည်း လူမည်းစစ်သားတစ် ဦး တစ်ယောက်မှ မရရှိခဲ့ပါဘူး။ Woodson လို လူ့အသက်ပေါင်း ၃၀၀နီးပါ အသက်ကယ်ခဲ့တဲ့လူတောင်မှ " Medel Of Honor " ကိုမရရှိခဲ့ပါဘူး။ သူဟာ ၂၀၀၅ ခုနှစ်မှာ သေဆုံးခဲ့ပြီဖြစ်ပါတယ်။
သတင်း အရင်းအမြစ်៖ History
Bong I.T