အာဖကန်နစ္စတန်နိုင်ငံမှာတော့ ပြည်သူတွေလည်း မိမိတို့ရဲ့အခွင့်အရေးအတွက် အရဲစွန့်ပြီးတောင်းဆိုနေကြတာဖြစ်ပါတယ်။ဩဂုတ်လကတည်းက အခုချိန်ထိ မတည်ငြိမ်၊မအေးချမ်းသေးတဲ့ အာဖကန်မှာ အမျိုးသမီးထုကြီးကတော့ သတ္တိအပြည့်နဲ့ဆန္ဒထုတ်ဖော်နေကြတာပဲဖြစ်ပါတယ်။ဒီနေ့မှာလည်း အာဖကန်အမျိုးသမီးတွေက ကာဘူးလ်မြို့ရဲ့လမ်းမပေါ်မှာ အဖွဲ့လိုက်ချီတက်ကြပြီး သူမတို့လိုချင်တဲ့အခွင့်အရေးတွေကို တောင်းဆိုနေကြတာဖြစ်ပါတယ်။
အမျိုးသမီးတွေရဲ့သတ္တိကတော့ လက်နက်ကိုင်ထားတဲ့တာလီဘန်တွေရဲ့ရှေ့မှာတောင် မကြောက်မရွံ့နဲ့ပြောရဲဆိုရဲနေကြတာဖြစ်ပါတယ်။တာလီဘန်တွေကလည်း ဆန္ဒထုတ်ဖော်နေကြတဲ့ အမျိုးသမီးထုကြီးကို ရပ်တန့်ဖို့ကြိုးစားနေကြပေမယ့် မအောင်မြင်ခဲ့တာဖြစ်ပါတယ်။အမျိုးသမီးတွေက ရှေ့ဆက်လျှောက်လှမ်းကြပြီး ရဲရဲရင့်ရင့်နဲ့ ဆန္ဒထုတ်ဖော်နေကြလို့ တာလီဘန်တွေလည်း ဘာမှမတတ်နိုင်ခဲ့တဲ့အခြေအနေကို ဗီဒီယိုထဲမှာတွေ့မြင်ရပါတယ်။
ကာဘူးလ်မြို့လယ်ကို ဆိုင်းဘုတ်တွေကိုင်ပြီးချီတက်လာတဲ့ တချို့အာဖကန်အမျိုးသမီးတွေကိုတာလီဘန်တွေကဝင်ရောက်တိုက်ခိုက်ခဲ့ပါတယ်။အမျိုးသမီးတွေလည်း သူမတို့ရဲ့လုံခြုံရေးအတွက် တတ်နိုင်သလောက်ကာကွယ်ခဲ့ကြပြီး နောက်ပြန်ဆုတ်ကြတာဖြစ်ပါတယ်။လမ်းပေါ်မှာတင်ပဲ သူမတို့အားလုံးကိုသတ်ပစ်လိုက်နိုင်တဲ့အကြမ်းဖက်တာလီဘန်တွေရဲ့ရှေ့မှာတောင် အရမ်းရဲရင့်နေကြတဲ့ အာဖကန်အမျိုးသမီးတွေရဲ့ဗီဒီယိုကို ပြန်လည်မျှဝေပေးလိုက်ပါတယ်။
Photo Credit:From Twitter
Source&video credit:Twitter