လတ်တလော မြန်မာနိုင်ငံရဲ့ ဒီမီုကရေစီအရေးမှာ အမှန်တရားကို လိုလားကြတဲ့ ပြည်သူတွေနဲ့အတူ အနုပညာရှင်များစွာကလည်း ပူးပေါင်းပါဝင်ခဲ့ကြပါတယ်။ ဒီလို ပြည်သူတွေနဲ့အတူ တစ်သားတည်း ပါဝင်လှုပ်ရှားတဲ့ အနုပညာရှင်တွေထဲမှာ သရုပ်ဆောင် မင်းမော်ကွန်းလည်း အပါအဝင်ပါပဲ။ မင်းမော်ကွန်းက လူထုလှုပ်ရှားမှုတွေမှာ အောင်မြင်မှုတွေကို ဘေးချိတ်ပြီး လူငယ်တွေရဲ့အနာဂတ်အိမ်မက်တွေ မပျောက်အောင် တာဝန်သိ ပြည်သူတစ်ယောက်အနဲ့ စိတ်အားထက်သန်စွာ ပါဝင်ခဲ့တဲ့အနုပညာရှင်တစ်ယောက်ပါ။
အခုလို ပါ၀င်ခဲ့တဲ့အတွက်လည်း မင်းမော်ကွန်းဟာ ၅၀၅(က)နဲ့အမှုဖွင့်အရေးယူခံထားရပြီး လက်ရှိမှာဆိုရင်လည်း လွတ်မြောက်နယ်မြေတစ်ခုကိုရောက်ရှိနေပြီး စစ်ရေးအတွက်ပြင်ဆင်နေတာဖြစ်ပါတယ်။ မိသားစုလိုက် လွတ်မြောက်နယ်မြေကိုရောက်ရှိနေတဲ့ မင်းမော်ကွန်းဟာ ပြည်သူပရိသတ်တွေအတွက်လည်း သတင်းအကြောင်းအရာတွေနဲ့ အားတက်စရာသတင်းတွေကို မျှဝေပေးလေ့ရှိသူပါ။
NUG ဒုသမ္မတ ဒူဝါလရှီးလက ပြည်သူ့တော်လှန်ရေးနေ့အဖြစ်ကြေညာပြီးနောက်မှာ စောင့်မျှော်နေကြတဲ့ ဒီဒေးကိုရောက်လာပြီဖြစ်လို့ ပြည်သူတွေအနေနဲ့ပူးပေါင်းကြဖို့နဲ့ ပြည်သူ့အားကို လိုအပ်ကြောင်း မင်းမော်ကွန်းက သူ့ရဲ့ Facebookစာမျက်နှာမှာ ရေးသားလာပါတယ်။ ပရိသတ်တွေအတွက် ပြန်လည်မျှဝေပေးလိုက်ပါတယ်။
သတင်း အရင်းအမြစ်៖ Kyaw Kyaw Htay Lwin's Facebook acc