ပြည်သူတွေကတော့ အာဏရှင် လူတစ်စုရဲ့ အုပ်ချုပ်ရေးအောက်မှာ မနေချင်တာကြောင့် ရရာနည်းလမ်းတွေကို အသုံးပြုပြီး အစွမ်းကုန် ဆန့်ကျင်နေကြတာပါ ။ စိတ်အားထက်သန်တဲ့ လူငယ်တွေကတော့ ခုနောက်ပိုင်းမှာ လွတ်မြောက်နယ်မြေ ဒေသတွေကို သွားရောက်ကာ တိုင်းရင်းသား လက်နက်ကိုင် တပ်တွေရဲ့ သင်ကြားပြသပေးမှုဖြင့် စစ်ပညာများကို နည်းစနစ်တကျ သင်ယူနေတာကိုလည်း တွေ့ရပါတယ်။
တိုင်းရင်းသား ရဲဘော်တွေက လည်း အစွမ်းကုန် သင်ကြားပေးကြသလို သူတို့ကိုယ်တိုင်လည်း ရှေ့ကနေဦးဆောင်ကာ ခုခံတိုက်ခိုက်ပေးခဲ့ကြတာပါ ။အသက်ကို ပဓာန မထားကြဘဲ ပြည်သူတွေရဲ့ အသက်အိုးအိမ် စည်းစိမ်တွေကို ကာကွယ်ပေးနေကြတဲ့ တိုင်းရင်းသား ရဲဘော်တွေနဲ့ PDFလူငယ်တွေကို ပြည်သူများက ချီးကျူးနေကြတာ ဖြစ်ပါတယ် ။ တိုက်ပွဲများတွင်လည်း အထိအခိုက် ကျဆုံးမှုနည်းအောင် တိုက်ခိုက်ချေမှုန်းနေကြတာကို မြင်တွေ့ရတာ ပြည်သူတွေအတွက် အားတက်စရာကောင်းလှပါတယ်။
ဒီနေ့ စက်တင်ဘာလ (၇) ရက်နေ့မှာလည်း D Day ကိုစတင် ကြေညာ လိုက်သလို တစ်ပြိုင်တည်းမှာပဲ KNU တပ်မဟာ (၄) နဲ့ အာဏာရှင်လူတစ်စုတို့ ထိတွေ့မှု ဖြစ်ပွားကာ စတင်ပစ်ခတ်နေကြတယ်လို့ သိရပါတယ် ။ ခဲကျေးရွာနဲ့ ပိန္နဲတောင်နယ်စပ်အကြားမှာ ပစ်ခတ်နေပြီး လောင်ဂျာ ဗုံးသီးတွေနဲ့ပါ တိုက်ခတ်နေတယ်လို့ သိရပါတယ် ။ ပြည်သူတွေကတော့ KNU ရဲဘော်တွေ အန္တရာယ်ကင်းကင်းနဲ့ အနိုင်ရဖို့ ဆုတောင်းပေးနေကြပါတာ တွေ့ရပါတယ် ။ ပရိသတ်ကြီးအတွက် ဒီသတင်းလေးကို ဝေမျှပေးရင်း အားလုံးဘေးကင်းကြပါစေ ဆုတောင်းပေးလိုက်ပါတယ် ။
Bong I.T