5 Million Challenge ပွဲမှာ တစ်ခါမှမလုပ်ဖူးတဲ့ host တစ်ယောက်အနေနဲ့ ပါဝင်ခွင့်ရလို့ အရမ်းစိတ်လှုပ်ရှားခဲ့ပြီး ကြောက်ခဲ့မိတယ်အကြောင်း ဖွင့်ဟလာတဲ့ မြတ်နိုးအေး

MRTV -4 သရုပ်ဆောင် တစ်ဦးဖြစ်တဲ့ မြတ်နိုးအေးကတော့ ဒီမိုကရေစီလှုပ်ရှားမှုတွေမှာ စိတ်ရောကိုယ်ပါ လုပ်ဆောင်ပေးခဲ့သူပဲ ဖြစ်ပါတယ်။ ဒါ့အပြင် မြန်မာနိုင်ငံမှာ ဖြစ်ပေါ်နေတဲ့ အခြေအနေတွေကိုလည်း နိုင်ငံတကာက သိမြင်အောင် Facebook, Instagram, Twitter နဲ့ Tiktok တွေကတစ်ဆင့် ရေးသားဖော်ပြပေးခဲ့ပါတယ်။ ဒီလို လုပ်ဆောင်မှုတွေကြောင့် မြတ်နိုးအေးဟာ ၅၀၅(က)ဖြင့် တရားစွဲဆိုခံရတဲ့ သူတွေထဲမှာ ပါသွားခဲ့ပါတယ်။

လက်ရှိအချိန်ထိလည်း လွတ်မြောက်နေရာကနေ အရေးတော်ပုံကြီး အောင်မြင်ဖို့အတွက် ပြည်သူ့ကိုယ်စားပြု အစိုးရ CRPH-OFP နှင့် NUG တို့နဲ့အတူ တတ်နိုင်တဲ့ဘက်ကနေ လုပ်ဆောင်ပေးနေတာ တွေ့ရပါတယ်။ ပြီးခဲ့တဲ့ ရက်ပိုင်းမှာလည်း ပြည်သူ့ကာကွယ်ရေးတပ်တွေရဲ့ လိုအပ်ချက်တွေကို ဖြည့်ဆည်းပေးနိုင်ရေးအတွက် NUG ရဲ့ ကာကွယ်ရေးဝန်ကြီးဌာနတို့မှ ဦးစီးတဲ့ “5 Million Raffle Ticket Challenge" ကမ်ပိန်းရဲ့ နောက်ဆုံးမဲဖောက်ပေးတဲ့ပွဲမှာ နိုင်ငံ့သူရဲကောင်းတွေနဲ့ အတူ ပါဝင်ခဲ့ပါတယ်။

အဆိုပါပွဲမှာ NUG ကာကွယ်ရေးဝန်ကြီး ဦးရည်မွန် ၊ ကျောင်းသားခေါင်းဆောင် ဦးမင်းကိုနိုင်အပြင် အနုပညာရှင်မောင်နှမတွေနဲ့အတူ Raffle Ticket ရဲ့ Winner ရှင်များကို မဲဖောက်ပေးခဲ့ကြတာ ဖြစ်ပါတယ်။ မြတ်နိုးအေးကတော့ ဒီလိုတိုင်းပြည်အတွက် အရေးပါတဲ့အခန်းကဏ္ဍ 5 Million Challenge ပွဲမှာ တစ်ခါမှမလုပ်ဖူးတဲ့ host တစ်ယောက်အနေနဲ့ ပါဝင်ခွင့်ရလို့ အရမ်းစိတ်လှုပ်ရှားခဲ့ပြီး ကြောက်ခဲ့မိတယ်အကြောင်း ဖွင့်ဟလာတာ တွေ့ရပါတယ်။ ဒီမိုကရေစီပြန်လည်ရရှိဖို့ တတ်နိုင်တဲ့ ဘက်ကနေ ပါဝင်လုပ်ဆောင်ပေးနေတဲ့ သရုပ်ဆောင် မြတ်နိုးအေးကတော့ တကယ့်ကို လေးစားစရာကောင်းလှပါတယ်။

သတင်း အရင်းအမြစ်៖ Source - Myat Noe Aye