ပြန်ပေးဆွဲသမားလက်ထဲမှလွတ်မြောက်ရန် ပေ (၃၀) အမြင့်ရှိသော အဆောက်အဦးပေါ်က ခုန်ချခဲ့တဲ့ အသက် (၁၉) နှစ်အရွယ် မိန်းကလေး

နိုင်ငံတကာမှာဖြစ်ပွားနေတဲ့ လူကိုပြန်ပေးဆွဲပြီး ရောင်းချမှူတွေဟာ ဆယ်ကျော်သက်မိန်းကလေးတွေကို အဓိကပစ်မှတ်ထားပြီးလုပ်ကြတာများပါတယ်။ ဒီနေ့မှာလည်း အသက် (၁၉) နှစ်အရွယ် Sirin N. E ဆိုတဲ့ ဆယ်ကျော်သက်မိန်းကလေးဟာ ပြန်ပေးသမားတွေလက်ထဲက လွတ်မြောက်ဖို့အတွက် ပေ (၃၀) ကျော်မြင့်တဲ့ အဆောက်အဦးရဲ့ ပြတင်းပေါက်ကနေ ခုန်ချထွက်ပြေးခဲ့တဲ့မှတ်တမ်းကို The Sun မီဒီယာက ဖော်ပြခဲ့ပါတယ်။ ပြန်ပေးသမားတွေဟာ အီရန်ကလာခဲ့ကြတာဖြစ်ပြီး သူမကိုဖမ်းဆီးကာ ပြည့်တန်ဆာအဖြစ်ရောင်းချဖို့ကြံစည်ခဲ့တာဖြစ်ပါတယ်။ ဖမ်းဆီးပိတ်လှောင်ထားတဲ့အခန်းရဲ့ပြတင်းပေါက်ကနေ ရအောင်ထွက်ပြီး ပေ (၃၀) အမြင့်ကိုတောင် မကြောက်မရွံ့ ခုန်ချခဲ့ပါတယ်။

သူမ ခုန်ချတော့မှာကိုမြင်တွေ့ကြတဲ့ အနီးအနားက လူတွေက သူမကို မခုန်ချဖို့ဝိုင်းတားခဲ့ကြပေမယ့် ဘဝတစ်ခုလုံးပျက်စီးမှာနဲ့ယှဥ်ရင်တော့ လက်ရှိအနေအထားဟာ ရင်းဖို့တန်တယ်လို့ သူမအနေနဲ့ တွေးလိုက်ပုံပါပဲ။ သူမ ခုန်ချပြီးနောက်မှာ အနီးအနားကလူတွေက ကူညီဖို့ဝိုင်းလာကြပြီး သူမကလည်း ပြန်ပေးဆွဲခံကြောင်းပြောကာ အကူအညီတောင်းခံခဲ့ပါတယ်။ ရဲဝန်ထမ်းတွေ ရောက်ရှိလာပြီးနောက် သူမ ရခဲ့တဲ့ဒဏ်ရာတွေကို ဆေးကုသဖို့အတွက် ဆေးရုံကိုအရေးပေါ်ပို့ဆောင်ပေးခဲ့ပါတယ်။

ခုန်ချစဥ်မှာ ကွန်ကရစ်နဲ့တိုက်မိခဲ့ပြီး ထိခိုက်ဒဏ်ရာ ရရှိခဲ့တာပါ။ ယခင်ကတည်းက ဆယ်ကျော်သက်မိန်းကလေးတွေကို အဓိကပစ်မှတ်ထားပြီး ပြန်ပေးဆွဲမှုတွေ ကျူးလွန်နေကြတာပါ။ ဒီမိန်းကလေးကတော့ ရဲရဲရင့်ရင့်နဲ့ သူမရဲ့လွတ်မြောက်လမ်းကို ရှာတွေ့သွားခဲ့ပါတယ်။ လက်ရှိအချိန်ထိတော့ သူမရဲ့ ကျန်းမာရေးအခြေအနေကို အတိအကျမသိရသေးဘူးလို့ The Sun က ဖော်ပြခဲ့ပါတယ်။

သတင်း အရင်းအမြစ်៖ The Sun's FB Acc