ချစ်သူနဲ့အတူ နွမ်းပါးအိမ်ထောင်စု (၂၀၀) အတွက် အစားအသောက်တွေကို လှူဒါန်းပေးခဲ့တဲ့ ခိုင်နှင်းဝေ

အလှူရေစက်လက်နဲ့မကွာတဲ့ ကလေးတို့မေမေခိုင်နှင်းဝေဟာ ဒီတစ်ခေါက်မှာလည်း နွမ်းပါးအိမ်ထောင်စု (၂၀၀) အတွက် စားသောက်ကုန်တွေ လှုဒါန်းပေးခဲ့ပါတယ်။ တစ်အိမ်ထောင်လျှင် ဝက်သား၊ ကြာဇံထုပ်၊မျှစ်ချဉ်၊ ငါးပိရည်ကျို၊ကြက်သွန်နီ (၁) ပိသာ ကို ဝေပုံကျခွဲဝေပြီး လှူဒါန်းပေးခဲ့တာပါ။ သူမအနားမှာ ပါရမီဖြည့်ဖက်ကောင်းအဖြစ် အမြဲရှိနေပေးတဲ့ သူမရဲ့ချစ်သူဟာလည်း ဒီအလှူလေးမှာ အားတက်သရောပါဝင်ပေးခဲ့ပါတယ်။

ကလေးတွေရဲ့ဘဝတွေအပြင် အကူအညီလိုအပ်နေတဲ့ ပြည်သူတွေရဲ့ အခက်အခဲတွေကိုလည်း တဒင်္ဂအဆင်ပြေစေနိုင်ဖို့ရည်ရွယ်ပြီး အမြဲတမ်းကူညီပေးတဲ့ စိတ်ထားလှသူ အနုပညာရှင်တစ်ယောက်ပါ။ မြတ်နိုးရတဲ့အနုပညာအလုပ်တွေအပြင် လူအများကိုကူညီရတဲ့ ပရဟိတအလုပ်တွေကိုလည်း ပျော်ပျော်ကြီးလုပ်နေတဲ့ ခိုင်နှင်းဝေဟာ ပင်ပန်းမှုတွေအားလုံးကို သူမရလိုက်တဲ့ ပီတိလေးတွေနဲ့ပဲ ဖြေဖျောက်နေခဲ့ပါတယ်။ ချစ်စရာကလေးတွေဟာလည်း မေမေခိုင်ရဲ့ မေတ္တာကြောင့် ဂေဟာမှာ အေးချမ်းပျော်ရွှင်နေခဲ့ပါတယ်။

အနားမှာရှိတဲ့ချစ်သူဟာလည်း သူမအတွက် လက်တွဲဖော်ကောင်းတစ်ယောက်ဖြစ်ပေးခဲ့ပြီး သူမရဲ့ ကုသိုလ်ရေးတွေမှာလည်း အမြဲတမ်း ပါဝင်ကူညီပေးခဲ့ပါတယ်။ ဒီနေ့မှာလည်း နှစ်ယောက်သား တက်ညီလက်ညီနဲ့ လှူဒါန်းနေကြတဲ့ ပုံရိပ်တွေကို သူမရဲ့လူမှုကွန်ယက်မှာဝေမျှခဲ့ပါတယ်။ ပီတိဖြစ်ရတဲ့ အလှူပုံရိပ်တွေကို ပရိသတ်ကြီးလည်း ထပ်တူမြင်တွေ့နိုင်အောင် တင်ဆက်ပေးလိုက်ပါတယ်။

သတင်း အရင်းအမြစ်៖ Khine Hnin Wai's FB Acc