ကမ္ဘာကြီးပေါ်မှာ ထူးဆန်းတဲ့ မင်္ဂလာဆောင်များစွာ ရှိပါတယ်။ တိရစ္ဆာန်တွေနဲ့ မင်္ဂလာဆောင်ကြတဲ့သူတွေရှိသလို ကျောက်ခဲနဲ့လက်ထပ်သူတို့ ကိုယ့်ကိုကိုလက်ထပ်ကြတဲ့သူတွေလည်း ရှိပါတယ်။ အဲ့လိုလူတွေထဲမှာ Aaron Chervenak ဆိုသူလည်း အပါအ၀င်ဖြစ်ပါတယ်။ အကြောင်ကတော့ သူဟာ Les Vegas မှာ သူ့ရဲ့ Smartphone နဲ့ လက်ထပ်ခဲ့တာဖြစ်ပါတယ်။ လူတွေဟာ မူးတဲ့အခါ လျှောက်လုပ်တက်ကြတာတွေရှိပေမယ့် ဒီလူကတော့ အဲ့လိုမဟုတ်ပါဘူး၊ တကယ်အတည်ကြီး လက်ထပ်ခဲ့တာပါ...မူးလည်းမမူးနေခဲ့ပါဘူး။
" ငါတို့ကိုငါတို့ပွင့်လင်းရမယ်ဆိုရင် ကျွန်တော်တို့ဟာ ကျွန်တော်တို့ဖုန်းတွေနဲ့ စိတ်ချင်းများစွာ ဆက်နေတက်ကြပါတယ် " ဆိုပြီး Aaron ဟာ ပြောခဲ့ပါတယ်။ " ငါတို့ဖြေသိမ့်ဖို့၊ ငါတို့စိတ်အေးချမ်းဖို့၊ အိပ်ဖို့၊ ငါတို့ရဲ့စိတ်ကိုသက်တောင့်သက်သာဖြစ်စေဖို့၊ ဒါတွေဟာ ငါ့အတွက်တော့ Relationship တစ်ခုပါပဲ " လို့ ပြောခဲ့ပါတယ်။ " အဲ့တော့ပြောရမယ်ဆိုရင် ကျွန်တော်ဟာ ကျွန်တော့်ရဲ့ဖုန်းနဲ့ အချိန်တော်တော်ကြာ RS တစ်ခုရှိခဲ့ပါတယ်၊ ဒါကြောင့်ပဲ ကျွန်တော်ဟာ ခုလို ဖုန်းနဲ့ လက်ထပ်လိုက်ဖို့ ဆုံးဖြတ်ချက်ချလိုက်တာပါ " လို့ ဆက်လက်ပြောပြခဲ့ပါတယ်။
Aaron တစ်ယောက် Vegas ရောက်ခဲ့တဲ့အချိန်မှာ မြို့ထဲက ဘုရားကျောင်းတစ်ကျောင်းကို ပုံမှန်နဲ့မတူတဲ့ မင်္ဂလာဆောင်ပွဲတစ်ခု လုပ်လို့ရမလားဆိုပြီး ဆက်သွယ်စုံးစမ်းခဲ့ကာ ဘုရားကျောင်းကလည်း လက်ခံခဲ့ပါတယ်။ " သူတို့အနေနဲ့လည်း ခုလိုပုံမှန်နဲ့မတူတဲ့ မင်္ဂလာဆောင်ဆိုတော့ စိတ်လှုပ်ရှားနေကြပါတယ် " ဆိုပြီး Aaron ဟာပြောပြခဲ့ပါတယ်။ သူအခုလို သူ့ရဲ့ iPhone နဲ့ လက်ထပ်ခဲ့ပေမယ့်လည်း Nevada ပြည်နယ်က ဒီလက်ထပ်ပွဲကို အသိအမှတ် မပြုခဲ့ပါဘူး။ " ဖုန်းတွေကိုလက်ထပ်ဖို့ဆိုတာ တရား၀င်မရှိသေးပါဘူး ဒါပေမယ့် ဒီမင်္ဂလာဆောင်နဲ့ ပတ်သက်ပြီး ကျွန်တော်မျှော်လင့်တာက ကျွန်တော်တို့ရဲ့နေ့စဉ်ဘ၀တွေမှာ ဖုန်းတွေဘယ်လောက်အဖိုးတန်တယ်ဆိုတာပြဖို့ပါ ပြီးတော့အခြားသူတွေကိုလည်း သူတို့ရဲ့ ဖုန်းအပေါ် ဘယ်လောက်တောင် ဆက်နွယ်နေကြလဲဆိုတာကို မေးခွန်းထုတ်စေချင်မိပါတယ် " ဆိုပြီးပြောခဲ့ပါတယ်။ ဒါကတော့ မိမိရဲ့ဖုန်းကို ချစ်သူတစ်ယောက်လို သဘောထားပြီး လက်ထပ်ခဲ့တဲ့ Aaron Chervenak ပါပဲ။
သတင်း အရင်းအမြစ်៖ Daily Mail