ဘရိတ်ပေါက်ပြီး လမ်းဘေးထိုးကျသွားရာကနေ ကားတစ်စီးလုံး ရစရာမရှိအောင်ပျက်စီးသွားခဲ့တဲ့ မြဝတီ - ကော့ကရိတ် အာရှလမ်းပေါ်က ဆိုးဝါးတဲ့ ယာဥ်တိမ်းမှောက်မှု

ယခုနှစ်အတွင်း မြို့နယ်တချို့တွေမှာ ယာဥ်မတော်ဆမှုတွေ မကြာခဏဖြစ်ပွားခဲ့ပြီး လူထိခိုက်သေဆုံးမှုတွေလည်း ရှိလာခဲ့ပါတယ်။ ယမန်နေ့ စတင်ဘာလ (၄) ရက်နေ့ကဆိုရင် ကရင်ပြည်နယ်၊ မြဝတီ - ကော့ကရိတ် အာရှလမ်းမကြီးပေါ် နတ်စင်ကွေ့မှာ ယာဥ်တစ်စီး တိမ်းမှောက်မှုဖြစ်ပွားခဲ့ကြောင်း ကြားသိရပါတယ်။ ယင်းဖြစ်စဥ်မှာလည်း မြဝတီဘက်ကနေ မောင်းလာတဲ့ ကုန်တင်မှန်လုံယာဉ်ငယ်တစ်စီးဟာ အဆိုပါနေရာအရောက်တွင် ဘရိတ်ပေါက်ပြီး အရှိန်မထိန်းနိုင်တော့ဘဲ လမ်းဘေးထိုးကျသွားခဲ့တာ ဖြစ်ပါတယ်။

အဆိုပါ ကုန်တင်မှန်လုံယာဉ်ငယ်တစ်စီးကတော့ အပေါ်ကနေ ထိုးကျသွားခဲ့တဲ့ အရှိန်ကြောင့် ကားတစ်စီးလုံးလည်း ရစရာမရှိအောင် ပျက်စီးသွားတာ တွေ့ရပါတယ်။ ပုံထဲမှာ မြင်တွေ့ရတာကတော့ မှန်လုံယာဥ်ငယ်ဟာ ထိုင်းနိုင်ငံကနေ တင်သွင်းလာတဲ့ စားသောက်ကုန်တွေကို တင်ဆောင်လာတာ ဖြစ်ပါတယ်။ ယာဥ်မောင်းတစ်ဦးကတော့ လမ်းဘေးထိုးကျတဲ့ အရှိန်ကြောင့် အသက်အန္တရယ် မစိုးရိမ်ရပေမယ့် ထိခိုက်ဒဏ်ရာများ ရရှိခဲ့တယ်လို့ သိရပါတယ်။

ထိခိုက်ဒဏ်ရာရရှိခဲ့တဲ့ ယာဥ်မောင်းကိုတော့ ကယ်ဆယ်ရေးသမားတွေက ကော့ကရိတ်ဆေးရုံသို့ ပို့ဆောင်ပေးခဲ့ကြောင်း သိရပါတယ်။ ယခုနှစ်အတွင်း မြဝတီ - ကော့ကရိတ် အာရှလမ်းမကြီးပေါ်က နတ်စင်ကွေ့အနီးမှာ မကြာခဏဆိုသလို ဒီလိုမတော်မဆ ယာဥ်တိမ်းမှောက်မှု ဖြစ်ပွားလာခဲ့ပါတယ်။ ပရိသတ်တွေလည်း မြဝတီ - ကော့ကရိတ် အာရှလမ်းမကြီးပေါ်က နတ်စင်ကွေ့အနီးကို ခရီးသွားလာခြင်းဖြင့်ရောက်ရှိခဲ့ရင်လည်း ပိုပြီးသတိထားစေဖို့အတွက် ပြန်လည်ဖော်ပြပေးလိုက်ပါတယ်။

သတင်း အရင်းအမြစ်៖ Source - Tachileik New