မြန်မာနိုင်ငံအတွင်း လက်ရှိအချိန်တွေမှာ ဆူပူသောင်းကျန်းမှုတွေအပြင် ပေါ်ပေါ်ထင်ထင်ကို ခိုးဆိုးလုယက်မှုတွေနဲ့ လူသတ်မှုတွေကိုပါ ကျူးလွန်နေကြတာ တော်တော်များများတွေ့မြင်ရပါတယ်..။
ဘဏ်ဓားပြတိုက်မှုတွေလည်း မကြာခဏဖြစ်ပွားနေပြီး လုယက်မှုတွေမှာဆိုရင်တော့ အသက်အန္တရာယ်တွေကိုပါ ထိခိုက်လာတဲ့အထိ ဖြစ်ပွားနေတာကြောင့် ပြည်သူတွေမှာ စိတ်မလုံခြုံမှုနဲ့ စိုးရိမ်နေကြရတာ ဖြစ်ပါတယ်။
ဒီကနေ့မှာလည်း ဆိုင်ကယ်လုတဲ့အပြင် ဓားနဲ့ပါထိုးသွားတဲ့ လူတစ်စုကြောင့် ပြည်သူတစ်ဦး အသက်အန္တရာယ်တွေနဲ့ ကြုံတွေ့ခဲ့ရပြန်ပါတယ်။ ရန်ကုန်တိုင်းဒေသကြီး မင်္ဂလာဒုံမြို့နယ် ပြည်လမ်းမကြီးမှာ မသမာသူလူတစ်စုဟာ ဆိုင်ကယ်လုပြီး ဓားနဲ့ထိုးကာထွက်ပြေးသွားခဲ့ကြတာ ဖြစ်ပါတယ်..။
ဆိုင်ကယ်အလုခံရပြီး ဓားနဲ့ပါအထိုးခံရတဲ့ အမျိုးသားကတော့ ဓားဒဏ်ရာရရှိခဲ့ပြီး ပုလဲအရန်မီးသတ်စခန်း အဖွဲ့ဝင်တွေက မေဓါဝီဆေးရုံသို့ အချိန်မှီပို့ပေးခဲ့ကြတယ်လို့ သိရပါတယ်။
အဆိုပါ လုယက်မှုနဲ့ ပတ်သက်ပြီး ကြုံတွေ့ခဲ့ရတဲ့ ထိတ်လန့်စရာအဖြစ်အပျက်တွေနဲ့ ပတ်သက်ပြီး ပြည်သူတွေကတော့ စိတ်မကောင်းဖြစ်သလို ခံပြင်းဒေါသထွက်နေကြတာလည်း တွေ့ရပါတယ်..။