အကြီးမားဆုံးမက်မောစရာတစ်ခုကြောင့် အာဏာရှင်ကိုတိုက်ထုတ်နေရကြောင်း ပြောပြလာတဲ့ PDF တပ်သားတစ်ဦး

D Day လို့ လူအများကြားရေပန်းစားနေတဲ့ နေ့စွဲပေါင်းများစွာကြားမှာ PDF တွေလည်း အတော်လေးကို ဗျာများရပါတယ်။ နေ့ရက်အတိအကျခေါ်ပြီး မျက်နှာချင်းဆိုင်တိုက်ပွဲဝင်ဖို့ မဖြစ်နိုင်တဲ့အနေအထားမှာ D Day ဆိုတာ နီးရက်နဲ့ဝေးနေဆဲပါပဲ။ လတ်တလောမှာတော့ ပြောက်ကျားစနစ်နဲ့သာ တိုက်နေရပြီး ရတဲ့နည်းနဲ့တော်လှန်နေခဲ့ကြပါတယ်။ ဒီလိုတိုက်ထုတ်တဲ့ နေရာမှာလည်း မိမိတို့ရဲ့အသက်ကို ပဓာန မထားတော့ဘဲ အာဏာရှင်နဲ့ သူ့ရဲ့နောက်လိုက်တွေ မျိုးပြတ်သွားဖို့ကိုပဲ ရည်ရွယ်ပြီး တိုက်ထုတ်နေကြ တယ်လို့ PDF လူငယ်တစ်ယောက်က ပြောခဲ့ပါတယ်။

နောက်လာမယ့်မျိုးဆက်တွေအထိကို အာဏာရှင်ရဲ့အရိပ်အငွေ့တွေမခံစားစေချင်တာမို့ အရိုးကြေကြေ အရည်ခမ်းခမ်း အဆုံးထိတိုက်ထုတ်သွားမယ့်အကြောင်းကို ကတိပေးခဲ့ပါသေးတယ်။ ရွှေ၊ငွေ၊ ရာထူး၊ အာဏာ၊ စည်းစိမ်ဥစ္စာတွေထက် အမက်မောဆုံးကတော့ လက်ရှိအရေးတော်ပုံမှာပဲ အာဏာရှင်စနစ်ကို အမြစ်ဖြတ်ပြီး အဆုံးသတ်ရေးသာဖြစ်တယ်လို့လည်း ပြောခဲ့ပါတယ်။ လုပ်ခဲ့တဲ့လုပ်ရပ်တိုင်းကို တစ်ချိန်မှာ သမိုင်းကသက်သေခံပေးမယ့်အကြောင်း ရင်ဖွင့်လာခဲ့ပါတယ်။

အာဏာရှင်တွေရှိနေသမျှကာလပတ်လုံးဟာ သူတို့အတွက် D Day ဖြစ်ပြီး အာဏာရှင်စနစ် သက်ဆိုးရှည် နေသမျှတော့ သူတို့ဟာ တော်လှန်ရေးသမားတွေဖြစ်နေဦးမယ့်အကြောင်း အသိပေးလာခဲ့ပါတယ်။ အရာအားလုံးကိုစတေးပြီး ဒုက္ခခံနေရတဲ့ အခြေအနေမှာ ဒီထက်ပိုပြီး ဒုက္ခများစရာမရှိတော့တာမို့ အာဏာရှင်ကိုသာ အဆုံးထိတော်လှန်ကြဖို့ အားခဲထားကြတာပါ။ PDF တွေအားလုံးဘေးကင်းပြီး တရားသောစစ်ပွဲတိုင်းအောင်နိုင်ပါစေလို့ ဆုတောင်းပါတယ်။

သတင်း အရင်းအမြစ်៖ Chit Zaw Zaw's FB Acc