မောင်လို့ ပရိသတ်တွေသိရှိအားပေးကြတဲ့ အနုပညာရှင်တစ်ယောက်ဖြစ်သလို ဆရာဝန်တစ်ယောက်လည်းဖြစ်တဲ့ စိန်ဖြိုးလှိုင်ကတော့ ပြည်သူတွေအတွက် အကျိုးပြုအလုပ်တွေ ပြုလုပ်နေတာ ဖြစ်ပါတယ်။ ကိုဗစ်ကာလကပ်ရောဂါအချိန်မှာ တတ်နိုင်တဲ့ဘက်ကနေ ပြည်သူတွေအတွက် ကျန်းမာရေးအကြံပြုချက်ပေးနေတဲ့အပြင် အောက်ဆီဂျင်ရရှိဖို့ ကြိုးစားလုပ်ဆောင်ပေးနေတာ ဖြစ်ပါတယ်။
အစ်မဖြစ်သူ နန္ဒာလှိုင်တို့မိသားစုလှူဒါန်းဆောက်လုပ်ထားတဲ့ အောက်ဆီဂျင်စက်ရုံမှာ ပြည်သူတွေအောက်ဆီဂျင်အရည်ဖြည့်နိုင်ဖို့အတွက် စိန်ဖြိုးလှိုင်နဲ့ ရီရီပွင့်ဖြူတို့က ဦးစီးလုပ်ဆောင်နေကြတာလည်း ဖြစ်ပါတယ်..။ ငွေအားလူအားအပြင် ကိုယ်တိုင်ကိုယ်ကျအပင်ပန်းခံကာ အချိန်ပေးပြီး ပြည်သူတွေအတွက် ကြိုးစားပေးနေတဲ့ သူတို့ဆီကို စေတနာရှင်ပြည်သူတစ်ဦးက အောက်ဆီဂျင်စက်တွေ ပေးပို့လှူဒါန်းခဲ့တယ်လို့ သိရပါတယ်။ တန်ဖိုးကြီးစက်တွေကို အခုလို ပေးပို့လှူဒါန်းလာတာကို မထင်ထားတဲ့ အတွက် အံ့ဩဝမ်းသာသွားခဲ့ရတယ်လို့လည်း ပြောပြထားပါသေးတယ်။
လူချင်းမသိပေမယ့် Owgels တံဆိပ် အောက်ဆီဂျင်စက် (10)liter (၂)ယောက်ရှုလို့ရတဲ့ စက်(၃)လုံးကို စင်္ကာပူက အလှူရှင်ကိုရဲဝင့်ဦးဆိုသူက ပေးပို့လှူဒါန်းလိုက်တာ ဖြစ်ပါတယ်။ လက်ရှိအောက်ဆီဂျင်စက်တွေဌားပေးနေတဲ့ နေရာတွေမှာ အားဖြည့်ဌားပေးထားမှာဖြစ်ပြီး လိုအပ်ချက်တွေ လျော့လာတဲ့အချိန်မှာတော့ အလှူရှင်ရဲ့နာမည်နဲ့ပဲ နယ်ဆေးရုံတစ်ခုကို ပြန်လည်လှူဒါန်းသွားဖို့ စဉ်းစားထားတာတွေကိုလည်း ရီရီက ပြောပြထားပါတယ်။ ပရိသတ်တွေလည်း သာဓုခေါ်ကုသိုလ်ယူနိုင်ဖို့အတွက် ဝမ်းသာစရာသတင်းကောင်းလေးကို တင်ဆက်မျှဝေပေးလိုက်ပါတယ်။
သတင်း အရင်းအမြစ်៖ SEIN PHYO & YI YI's Fb Page