ရန်သူရဲ့သတင်းရလို့ မိုးလင်းထိမအိပ်ရတဲ့နေ့တွေများနေပေမယ့်လည်း နိုင်ငံအတွက်အားတင်းထားပါတယ်ဆိုတဲ့ PDFရဲဘော်များ

မြန်မာနိုင်ငံရဲ့လက်ရှိအခြေအနေတွေအရ လူငယ်တွေရဲ့ ပြင်းပြတဲ့စိတ်ဓာတ်နဲ့အတူ တိုင်းရင်းသားလက်နက်ကိုင်တပ်တွေကလည်း ပါ၀င်နေကြပြီး အာဏာရှင်ကိုအမြစ်ဖြုတ်ရန်နဲ့ စစ်မှန်တဲ့ဖယ်ဒရယ်ဒီမိုကရေစီရရှိဖို့အတွက် အင်တိုက်အားတိုက်ကြိုးစားနေကြတာကိုတွေ့ရပါတယ်။ အာဏာရှင်တွေရဲ့ ဖိနှိပ်မှုတွေနဲ့ အကြမ်းဖက်လုပ်ရပ်တွေကြောင့် လူငယ်အတော်များများလည်း လွတ်မြောက်နယ်မြေကိုရောက်ရှိကာ PDFရဲဘော်တွေအနေနဲ့ ခံယူပြီး စစ်ရေးလေ့ကျင့်နေကြတာဖြစ်ပါတယ်။

အခြေအနေတွေတဖြည်းဖြည်းတင်းမာလာပြီး PDFတွေ အင်အားကောင်းလာတာနဲ့အမျှ တိုက်ပွဲတွေလည်း နေ့တိုင်းလိုလိုဖြစ်ပေါ်နေတာကို သိရပါတယ်။ ထိစပ်တိုက်ပွဲတွေမကြာခဏဖြစ်ပေါ်နေတဲ့အတွက် လွတ်မြောက်နယ်မြေရှိ ရဲဘော်တွေလည်း သတိကြီးကြီးထားနေရပြီး နေ့တိုင်းလိုလို စစ်ရေးအတွက်ပြင်ဆင်နေကြတာကို တွေ့မြင်ရပါတယ်။

PDF ရဲဘော်တစ်ဦးဟာလည်း သူ့ရဲ့ Facebookစာမျက်နှာမှာ လွတ်မြောက်နယ်မြေရောက်နေပေမယ့် အမှန်တကယ်မလွတ်မြောက်ပဲ ရန်သူ့သတင်းကြောင့် မိုးလင်းပေါက်ခဲ့ရတဲ့နေ့တွေများစွာရှိကြောင်း၊ မနက်ဘက်တွေမှာလည်း အလုပ်ကိစ္စတွေကြောင့် အပြင်တွေသွားရတာရှိပြီး ညစဉ်အိပ်ရေးပျက်ရတာတွေများကြောင်း ပြောလာခဲ့ပါတယ်။ အခုလိုပင်ပန်းနေပေမယ့်လည်း နိုင်ငံအတွက်ဖြစ်တာကြောင့် အားတင်းထားကြောင်းကိုလည်း ဖွင့်ဟထားခဲ့တာကို တွေ့ရပါတယ်။

သတင်း အရင်းအမြစ်៖ Chit Zaw Zaw's Facebook acc