မင်းသမီး မြတ်သူသူကတော့ "ပျားရည်အိုင်" ဇာတ်လမ်းတွဲနဲ့ ပရိသတ်တွေကြားမှာ တစ်ဖန်ပြန်လည် ရေပန်းစားအောင်မြင်နေတာ တွေ့ရပါတယ်။ လွန်ခဲ့တဲ့နှစ်နှစ်က ထုတ်လွှင့်ပြသခဲ့ဖူးတဲ့ "ပျားရည်အိုင်" ဇာတ်လမ်းတွဲက အခုလက်ရှိမှာ နောင်တစ်ကြိမ် ပြန်လည်ပြသနေတာ ဖြစ်ပါတယ် ။ ဒါကြောင့် ဒီဇာတ်လမ်းတွဲမှာ "မြညို" ဆိုတဲ့ဇာတ်ကောင်နေရာကနေ သရုပ်ဆောင်ခဲ့တဲ့ မြတ်သူသူက ပရိသတ်တွေရဲ့အားပေးမှုကို ထပ်မံရရှိနေတာ ဖြစ်ပါတယ် ။
ယောက်ျားဖြစ်သူရဲ့စွန့်ပစ်ခြင်းခံရတဲ့ ဇာတ်ရုပ်နေရာကနေ ပီပီပြင်ပြင် သရုပ်ဆောင်ခဲ့တဲ့ မြတ်သူသူက စိတ်ရောကိုယ်ပါနှစ်ပြီး ကြိုးစားခဲ့တာ ဖြစ်ပါတယ် ။ မြတ်သူသူက ဒီဇာတ်လမ်းတွဲမှာ ပါဝင်သရုပ်ဆောင်ရင်းနဲ့ အပြင်မှာပါ တကယ်ထိခိုက်ဒဏ်ရာရခဲ့သေးတာ ဖြစ်ပါတယ် ။ မနေ့ကတော့ မြတ်သူသူက သူမရဲ့လူမှုကွန်ယက်စာမျက်နှာထက်မှာ "ရိုက်ခဲ့စဉ်က မိမိအခြေအနေ အမှတ်တရ ? တကယ်ထိတာတော် " ဆိုပြီး ပုံတွေကို ထုတ်ပြထားတာ တွေ့ရပါတယ် ။
မြတ်သူသူက ဇာတ်ရုပ်ပီပြင်ဖို့အတွက် အားစိုက်ကြိုးစားရင်းနဲ့ လက်ရောခြေထောက်မှာပါ ဒဏ်ရာတွေရရှိခဲ့တာ ဖြစ်ပါတယ် ။ မြတ်သူသူက ချော်လဲတဲ့ဇာတ်ဝင်ခန်းကို သရုပ်ဆောင်ခဲ့ရတာဖြစ်ပြီး အပြင်မှာပါ ခြေထောက်တစ်ဖက်လုံး သွေးထွက်တဲ့အထိ ထိခိုက်သွားခဲ့တာ ဖြစ်ပါတယ် ။ "ပျားရည်အိုင်"ဇာတ်လမ်းတွဲမှာ သရုပ်ဆောင်ရင်းနဲ့ အပြင်မှာပါ တကယ်ဒဏ်ရာရရှိခဲ့တဲ့ သရုပ်ဆောင်မြတ်သူသူရဲ့ပုံရိပ်တွေကို ပြန်လည်ဖော်ပြပေးလိုက်ရပါတယ်။
Source & Photo Credit-"Myat Thu Thu-မြတ်သူသူ" FB Page