မကွေးတိုင်း ၊ ပေါက်မြို့နယ်က ကျေးရွာတွေမှာ အာဏာရှင်လူတစ်စုရဲ့တပ်များက အင်အားအလုံးအရင်းဖြင့် လက်ရှိချိန်ထိ တပ်စွဲစခန်းချထားခဲ့ပါတယ်။ ကျေးရွာတွေက ပြည်သူတွေကတော့ အဆိုပါတပ်စွဲစခန်းချထားတာတွေကြောင့် နေအိမ်တွေမှာ မနေရဲကြတော့ဘဲ ဘေးလွတ်ရာတွေကို ထွက်ပြေးတိမ်းရှောင်နေကြရတာဖြစ်ပါတယ်။ အာဏာရှင်လူတစ်စုရဲ့ တပ်များက ကျေးရွာအတွင်းမှာ ပစ်ခတ်မှုတွေရှိသလို အပြစ်မဲ့ ပြည်သူတွေကိုလည်း မတရားဖမ်းဆီးတာတွေ ရှိခဲ့ပါတယ်။
ဒါ့အပြင် ပေါက်မြို့နယ်အတွင်းက တချို့ကျေးရွာတွေမှာ ပြည်သူတွေထွက်ပြေးနေတဲ့အချိန် နေအိမ်များကို မီးရှို့ဖျက်စီးတာတွေအပြင် တန်ဖိုးရှိပစ္စည်းတွေကို ရှာဖွေယူဆောင်သွားတာတွေလည်း ရှိခဲ့ပါတယ်။ ယမန်နေ့ကလည်း ပေါက်မြို့နယ်တောင်ပိုင်း၊ ဝန်ခြုံးကျေးရွာရှိ လူနေအိမ်တွေကို မီးရှို့ဖျက်စီးခဲ့တယ်လို့ သိရပါတယ်။ ဒီကနေ့ စတင်ဘာလ(၃)ရက်နေ့ မနက်ပိုင်းမှာလည်း အဆိုပါကျေးရွာအနီးရှိ တပ်ကုန်းကျေးရွာမှာ စိတ်မကောင်းစရာ မြင်ကွင်းတချို့ကို ပြည်သူတစ်ဦးက ဖော်ပြလာတာတွေ့ရပါတယ်။
ဒါကတော့ အာဏာရှင်လူတစ်စုရဲ့ လက်အောက်ခံတပ်တွေက တပ်ကုန်းရွာအတွင်း ဝင်ရောက်ခဲ့ပြီး လူနေအိမ်တစ်လုံးကို မီးရှို့သွားခဲ့တာ ဖြစ်ပါတယ်။ ဒါ့အပြင် အိမ်အတွင်းက ပြတင်းပေါက်များရဲ့ တံခါးတွေကိုလည်း ရစရာမရှိအောင် ရိုက်ချိုးဖျက်စီးသွားခဲ့ကြတာ တွေ့ရပါတယ်။ အလားတူပင် အခြားကျေးရွာတွေက နေအိမ်တချို့လည်း ၎င်းတို့က ဝင်ရောက်ဖျက်စီးတာတွေရှိခဲ့တယ်လို့ ကြားသိရပါတယ်။
သတင်း အရင်းအမြစ်៖ Source - ပေါက်မြို့နယ်ဟစ်တိုင်
Bong I.T