ပရဟိတအလုပ်တွေနဲ့ ပရိသတ်တွေရဲ့ လေးစားချစ်ခင်မှုတွေကို များစွာရရှိထားတဲ့ ခိုင်နှင်းဝေကတော့ လှူဒါန်းမှုတွေကိုလည်း ဆက်တိုက်ပြုလုပ်နေသူပဲ ဖြစ်ပါတယ်။ ခိုင်နှင်းဝေဟာ အခုလိုကြပ်တည်းနေကြတဲ့ကာလကြီးမှာ တတ်နိုင်တဲ့ဘက်ကနေ လှူဒါန်းမှုတွေနေ့တိုင်းနီးပါးပြုလုပ်နေပြီး ရင်ခွင်မဲ့ကလေးငယ်လေးတွေအတွက်လည်း မိဘမဲ့ဂေဟာဖွင့်လှစ်ကာ သားသမီးအရင်းလေးတွေပမာ စောင့်ရှောက်ပေးနေတာဖြစ်ပါတယ်။
ခိုင်နှင်းဝေရဲ့ ဂေဟာက ကလေးငယ်လေးတွေဟာဆိုရင်လည်း အင်မတန်လိမ္မာရေးခြားရှိကြပြီး ချစ်စရာကောင်းကြတာကြောင့် ပရိသတ်တွေကလည်း ကလေးလေးတွေအတွက် လှူဒါန်းမှုတွေပြုလုပ်ပေးကာ ကူညီပေးကြတာတွေ့ရပါတယ်။ ယမန်နေ့ညမှာဆိုရင်လည်း သန်လျင်ဘက်မှာ ကလေးငယ်လေးကို ကတ်ထူပုံးလေးနဲ့ထည့်ထားပြီး နို့ဗူးထဲထမင်းရည်လေးထည့်ကာ အ၀တ်အစားလေးအနည်းငယ်နဲ့ လာရောက်စွန့်ပစ်သွားခဲ့တယ်လို့ သိရပါတယ်။
အသင်းရဲ့ဆက်သွယ်လာမှုကြောင့် ခိုင်နှင်းဝေဟာ သမီးလေးကို ကိုယ်တိုင်ကိုယ်ကျခေါ်ယူခဲ့ပြီး မွေးစားခဲ့တာပါ။ သမီးငယ်လေးကလည်း မျက်နှာချိုချိုလေးနဲ့ ခိုင်နှင်းဝေရဲ့လက်ထဲမှာ ပျော်ရွှင်နေပြီး ကြည်နူးနေတာလည်း တွေ့မြင်ရပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Khine Hnin Wai's Facebook acc