ဘက်ပေါင်းစုံက GZလူငယ်တွေကတော့ အရေးတော်ပုံအောင်မြင်အတွက် မြို့သိမ်းတိုက်ပွဲတွေဆင်နွှဲနိုင်ရန် လွတ်မြောက်ဒေသတွေမှာ PDFတပ်ထဲဝင်ရောက်ပြီး စစ်သင်တန်းများ တက်ရောက်သင်ကြားနေကြတာ တွေ့မြင်နေရပါတယ်။ တိုင်းပြည်နဲ့ လူမျိုးအတွက် တန်ဖိုးရှိတဲ့ အရာတွေကို စွန့်ခွာပြီး တောတောင်တွေထဲက ခက်ခဲကြမ်းတမ်းတဲ့နေရာတွေမှာ ယုံကြည်ရာကို လျှောက်လှမ်းနေကြတာ ဖြစ်ပါတယ်။
သူတို့တွေဟာ ပြည်သူတွေရဲ့ ရည်မှန်းချက်တွေ ပြည့်ဝအောင် မိမိအသက်တွေနဲ့ ပေးဆပ်ပြီး ဘဝကိုအရင်းခံထားခဲ့သူတွေပဲ ဖြစ်ပါတယ်။ ဒါ့အပြင် စစ်ပညာများသင်ကြားနေချိန်မှာလည်း တောတောင်တွေထဲမှာ အဆင်မပြေမှုတွေနဲ့ ပင်ပန်းတာတွေရှိနေပေမယ့် PDF ရဲဘော်တွေကတော့ ကြိုးစားရုန်းကန်ကြပြီး မကြာခဏဆိုသလို သူတို့ရဲ့ဖြစ်တည်မှုနဲ့ ခံယူချက်တွေကို ဖွင့်ဟလာခဲ့ကြတာ တွေ့ရပါတယ်။
ယခုမှာလည်း ဆရာဝန်တစ်ယောက်ကနေ လက်နက်စွဲကိုင်ပြီး တော်လှန်ရေးသမားဖြစ်လာတဲ့ PDF ရဲဘော်တစ်ဦးက သူရဲ့ ခံယူချက်တွေကို ဖွင့်ဟလာခဲ့ပါတယ်။ ဒါ့အပြင် အဆိုပါရဲဘော်က အရေးတော်ပုံကြီးမှာ အသက်စွန့်သွားတဲ့ သူတွေကိုမျက်နှာ ထောက်ပြီး အာဏာရှင်တွေရဲ့ လက်အောက်မှာ အဆင်ပြေပျော်ရွှင်နေကြတဲ့ ရုပ်ပုံတွေကို လူမှုကွန်ယက်တွေမှာ မတင်ကြဖို့ကိုလည်း မေတ္တာရပ်ခံလာခဲ့တာ တွေ့ရပါတယ်။
သတင်း အရင်းအမြစ်៖ Source - Pyae Phyo Min