အမေရိကန်နိုင်ငံ နယူးယောက်နှင့် နယူးဂျာဆီပြည်နယ်တွေမှာ ပြီးခဲ့တဲ့ဗုဒ္ဓဟူးနေ့က Ida ဟာရီကိန်းမုန်တိုင်း တိုက်ခတ်ခဲ့ပြီးနောက် ရေကြီးမှုတွေ ဆိုးရွားစွာဖြစ်ပေါ်လာခဲ့ပါတယ်။ အဆိုပါ ရေကြီးရေလျှံမှုတွေကြောင့် နယူးယောက်ပြည်နယ် အုပ်ချုပ်ရေးမှူး Kathy Hochul ကအရေးပေါ်အခြေအနေတစ်ရပ် ကြေညာထားပြီး လေယာဉ်ခရီးစဉ်ပေါင်း (၃၇၀)ကျော်ကိုလည်း ရွှေ့ဆိုင်းလိုက်ရသလို မြေအောက်ရထားလိုင်းများလည်း ပိတ်ထားခဲ့ရပါတယ်။
CNN သတင်းဌာနရဲ့ဖော်ပြချက်တွေမှာ အဆိုပါရေကြီးရေလျှံမှုတွေကြောင့် နယူးယောက်နှင့် နယူးဂျာဆီပြည်နယ်တွေမှာ အနည်းဆုံး (၃၈)ယောက် သေဆုံးခဲ့ကြောင်း ဖော်ပြချအရသိရပါတယ်။နယူးယောက်တွင် (၁၅) ယောက်နှင့် နယူးဂျာဆီတွင် (၂၃) ယောက် အသက်ဆုံးရှုံးခဲ့ခြင်းဖြစ်ပြီး သေဆုံးသူတွေအများစုမှာ ရုတ်တရက် ရေကြီးမှုတွေကြောင်း မိမိတို့ရဲ့ မြေအောက်အိမ်ခန်းတွေမှာ ပိတ်မိပြီး သေဆုံးကြတာဖြစ်ပါတယ်။
နယူးယောက်နှင့် နယူးဂျာဆီပြည်နယ်တွေမှာ လျှပ်တပြက်ရေကြီးမှုတွေအပြင် လေဆင်နှာမောင်းတိုက်ခတ်ခြင်းတွေပါ ဖြစ်ပေါ်စေခဲ့ပါတယ်။ ယခုတွေ့မြင်ရတဲ့ ဗီဒီယိုကတော့ နယူးယောက်မြို့ရဲ့ မြေအောက်ရထားလမ်းတချို့မှာ ရေများဒလဟော ဝင်ရောက်နေတဲ့အပြင် မြို့အတွင်းကကားလမ်းပေါ်တွေမှာ ကားများမြုပ်လုနီးပါးဖြစ်တဲ့အထိ ရေကြီးရေလျှံမှုတွေဖြစ်ပေါ်နေတာ တွေ့ရပါတယ်။ Ida မုန်တိုင်းဟာ လူဝီစီယားနားပြည်နယ်တွင်မှာ အဆင့် (၄)ဆင့်နဲ့ ဟာရီကိန်းမုန်တိုင်းအဖြစ် ဩဂုတ် (၂၉) ရက်နေ့က ဝင်ရောက်ခဲ့တာ ဖြစ်ပါတယ်။
သတင်း အရင်းအမြစ်៖ Source - CNN
Bong I.T