ညီညီအောင်ထက်နိုင်ရဲ့ မိခင်ကိုဖမ်းဆီးသွားပြီး သားဖြစ်သူကိုအဖမ်းလာခံခိုင်းတဲ့လုပ်ရပ်အပေါ် မခံနိုင်ဖြစ်ကာ ပြတ်သားစွာပြောလာခဲ့တဲ့ ပန်ဆယ်လို

နွေဦးတော်လှန်ရေးကြီးမှာ မြန်မာပြည်သူတွေရဲ့ အသက်တွေ ထောင်နဲ့ချီကာပေးဆပ်ထားရပြီး ဒီမိုကရေစီအရေးအတွက် ကြိုးစားနေကြတာဖြစ်ပါတယ် ။
ဆန္ဒပြပွဲတွေစတင်ခဲ့တဲ့ ဖေဖော်ဝါရီလအစပိုင်းတည်းကတိုင် အကြမ်းဖက်ဖြိုခွင်းမှုတွေ ဖြစ်ပေါ်ခဲ့ပြီး အသက်ပေးသွားခဲ့ရတဲ့ သူရဲကောင်းလူငယ်လေးတွေများစွာရှိခဲ့ပါတယ်.....။

ရန်ကုန်ဆန္ဒပြပွဲတွေမှာ ဖြိုခွင်းမှုကြောင့်လှည်းတန်းမှာကျဆုံးသွားခဲ့တဲ့ ညီညီအောင်ထက်နိုင်ရဲ့ မိခင်ဖြစ်သူကို ယမန်နေ့ကဖမ်းဆီးသွားခဲ့တယ်လို့ သိရပါတယ်။ မိခင်ဖြစ်သူကိုဖမ်းဆီးသွားပြီးနောက် ကိုကိုအောင်ထက်နိုင်ကိုလည်း လာရောက်အဖမ်းခံရန် ခိုင်းစေခဲ့တယ်လို့သိရပါတယ်။ ညီညီအောင်ထက်နိုင်ရဲ့ မိခင်ဖြစ်သူဟာ အွန်လိုင်းကနေတစ်ဆင့် ပုဇွန်ခြောက်၊ ငါးခြောက်လေးတွေရောင်းချနေတာကြောင့် တရားမ၀င် ပုဇွန်ခြောက်ရောင်းမှုနဲ့ ဖမ်းဆီးတာဖြစ်တယ်လို့ သိရပါတယ်။

ဒီအကြောင်းအရာကို ပန်ဆယ်လိုဟာ သူမရဲ့ Facebookစာမျက်နှာမှာ ရေးသားထားပြီး အရင်ခေတ်တည်းကတိုင် နိုင်ငံရေးတက်ကြွလှုပ်ရှားသူတွေ၊ တော်လှန်ရေးသမားတွေကို ဖမ်းဆီးနှိပ်စက်ထောင်ချရုံသာမက မိသားစုတွေစီးပွားရေးလုပ်မ‌ရအောင်၊ ဆင်းရဲမွဲတေအောင်လုပ်ခဲ့ကြကြောင်းကို မခံမရပ်နိုင်ဖြစ်ကာ ဖွင့်ဟထားခဲ့ပါတယ် ။ ပရိသတ်တွေအတွက် ပြန်လည်ဖော်ပြပေးလိုက်ပါတယ်နော်။

သတင်း အရင်းအမြစ်៖ ပန်ဆယ်လို's Facebook acc