MRTV-4 မင်းသားချော ရှင်မွေလ ဟာ ပျော်ပျော်ရွှင်ရွှင်ပေါ့ပေါ့ပါးပါးနဲ့ အမြဲ ပြုံးရယ်နေတတ်တဲ့ ပရိတ်သတ်အချစ်တော် မင်းသားတစ်ယောက်ပါ။ သူ့ရဲ့ စပ်ဖြဲဖြဲနေတတ်တဲ့ ပုံစံလေးကလည်း မိန်းကလေးပရိတ်သတ်တွေကြားမှာ ရေပန်းစားလာခဲ့ပါတယ်။
ပရိတ်သတ်အချစ်တော်ရှင်မွေလဟာ သူ့ရဲ့ Facebook စာမျက်နှာမှာ မိဘ နှစ်ပါး ရဲ့ ကိုဗစ် ခံစားခဲ့ရပုံတွေကို အခုလို ရေးသားဖော်ပြခဲ့ပါတယ်။
ရှင်မွေလရဲ့ အဖေနဲ့ အမေက ကိုဗစ်ကို အတူတူစတင်ကူးစက်ခံခဲ့ရပေမယ့် မိခင်ဖြစ်သူက နှလုံးရောဂါအခံရှိလို့ ကိုဗစ်ရဲ့ နှိပ်စက်မှုဒဏ်ကို အရင်ခံခဲ့ရပြီး ဖခင်ဖြစ်သူကတော့ စဖြစ်တုန်းက အထိ အေးအေးဆေးဆေးဖြစ်ခဲ့တယ်လို့ ပြောပါတယ်။
ရောဂါခံမရှိတဲ့ အဖေကို ဘာမှသိပ်မဖြစ်လောက်ပါဘူးဆိုပြီး နည်းနည်းလျော့တွက်ခဲ့ပေမယ့် (၁၁) ရက်နေ့မြောက်လောက်မှာတော့ ဖခင်ဖြစ်သူက ကိုဗစ်ရဲ့ မာယာကျော့ကွင်းထဲ၀င်ရောက်လာပြီး အပြင်းအထန်ခံစားခဲ့ရတယ်လို့လည်းဆိုပါတယ်။
မိခင်လောက်အခြေအနေမဆိုးလောက်ဘူး လို့ထင်ရတဲ့ ဖခင်ကြီးက အောက်စီဂျင်တွေလည်း ရှူရပြီး သွေးကျဲဆေးတွေနေ့ရောညပါ ရက်ဆက် ထိုးရတဲ့အပြင် တစ်ခြား လိုအပ်တဲ့ဆေးတွေကို ပါသောက်သုံးခဲ့ရပါတယ်။
အခု ဆိုရင်တော့ ဖခင်ကြီးလည်း စိတ်ချရတဲ့ အခြေအနေတစ်ခုထိရောက်အောင် အိမ်မှာပဲ ဂရုတစိုက် နေထိုင်ရင်း အနားယူနေပါပြီ။
ပရိတ်သတ်အချစ်တော်ရှင်မွေလလည်း မိဘနှစ်ပါး ရဲ့ ကျန်းမာရေးကို တော်တော်လေးစိတ်ပူပြီး အနီးကပ် ပြုစု ခဲ့ရပါတာမလို့ ရှင်မွေလရဲ့ ပရိတ်သတ်တွေက သူ့အတွက် အမောပြေစေတဲ့ ဆုတောင်းစကားလေးတွေ ချန်ခဲ့ကြပါဉီးနော်...
သတင်း အရင်းအမြစ်៖ Shin Mwe La's facebook