ပြီးခဲ့တဲ့ သြဂုတ်လ 30 ရက်နေ့က ဆော်ဒီအာရေဗျနိုင်ငံအတွင်းက အာဘာလေဆိပ်ကို ဟူသီတွေက ဒရုန်းနဲ့တိုက်ခိုက်ခဲ့တယ်လို့သိရပါတယ်။
ဒီတိုက်ခိုက်မှုကနေဖြစ်ပေါ်လာတဲ့ အပျက်အစီးတွေကြောင့် လူ 8 ဦးထိခိုက်ဒဏ်ရာရရှိခဲ့ပြီး လေဆိပ်ထဲက အရပ်ဘက် လေယာဉ်တစီး ပျက်စီးခဲ့တယ်လို့ သိရပါတယ်။
ဒီတိုက်ခိုက်မှုကြောင့် သေဆုံးသူကတော့ တစ်ယောက်မှမရှိခဲ့ဘူးလို့သိရသလို လေဆိပ်တစ်ခုလုံးမှာလည်း အပျက်အစီးတွေနဲ့ ပြည့်နှက်နေခဲ့ပါတယ်။
အွန်လိုင်းပေါ်တက်လာတဲ့ သတင်းတွေအရတော့ ဆော်ဒီအာရေဗျဟာ ဟူသီတွေပစ်လွှတ်လိုက်တဲ့ လက်နက်တွေပါတဲ့ ဒရုန်းတစ်စင်းကိုတော့ ပစ်ချနိုင်ခဲ့တယ်လို့သိရပါတယ်။
ဆော်ဒေအာရေဗျ အနေနဲ့လည်း ဒီတိုက်ခိုက်ခံရမှုနဲ့ပတ်သတ်တဲ့ အသေးစိတ်အချက်အလက်တွေကိုတော့ထုတ်ပြန်ကြေညာတာမျိုးမရှိသေးပါဘူးလို့သိရပါတယ်။
ယီမင်နိုင်ငံက ဟူသီတွေဟာ ဆော်ဒီအာရေဗျနိုင်ငံအတွင်းကို ဒုံးကျည်တွေ၊ ဒရုန်းယာဉ်တွေနဲ့ ပုံမှန် ပစ်ခတ်တိုက်ခိုက်လေ့ရှိပေမယ့်လည်း ဒီတိုက်ခိုက်မှုနဲ့ပတ်သတ်ပြီးတော့ ဘာမှထုတ်ပြန်ကြေညာတာမျိုးမရှိသေးပါဘူး။
သတင်း အရင်းအမြစ်៖ Reuters