သူတို့ရှေ့မှာ မြန်မြန်သေချင်နေပြီလို့ တရစပ်ပြောနေတဲ့ အသက် (၁၀၀)ကျော် အဘွားအိုရဲ့ဘဝဖြစ်စဉ်ကို ရင်နင့်စွာဖွင့်ဟလာတဲ့ လူငယ်လေးတစ်ဦး

ဒီလိုအခြေအနေမှာ တချို့လူငယ်လေးတွေကတော့ ပရဟိတအလုပ်တွေ ကြိုးစားလုပ်ဆောင်နေကြသလို တချို့လူငယ်လေးတွေလည်း တောထဲဝင်ပြီး စစ်ပညာလေ့ကျင့်နေကြတာဖြစ်ပါတယ်။အခုဆိုရင်တော့ တောင်ပေါ်ရွာလေးတစ်ရွာကို ရောက်ရှိနေကြတဲ့ လူငယ်လေးတွေက အဲ့ဒီရွာကအဘွားအိုတစ်ဦးရဲ့အကြောင်းကို ရေးသားလာခဲ့ပါတယ်။အဘွားအိုက အသက် (၁၀၂)နှစ်အရွယ်ရှိနေပေမယ့် ကျန်းမာသွက်လက်နေဆဲလို့သိရပါတယ်။

အဘွားရဲ့နာမည်က ယာလွယ်ဟိန်းဖြစ်ပြီး သားသမီး (၉)ယောက်လည်း ရှိပါတယ်။သားသမီးတွေက အခုချိန်မှာအိမ်ထောင်ကျသွားကြပြီဖြစ်လို့ အိမ်မှာ သူမတစ်ယောက်တည်းအထီးကျန်နေရှာတာဖြစ်ပါတယ်။အဘွားက သူကိုယ်တိုင်အလုပ်မလုပ်နိုင်တော့လို့ သားသမီးတွေဆီကကပ်မစားချင်ဘူးလို့ပြောပါတယ်။ဒါ့ကြောင့် သူ့အရွယ်နဲ့မမျှအောင်  လက်ဖက်ခူးပြီး တောင်ယာလိုက်လုပ်ကာ စားဝတ်နေရေးအတွက်ရှာဖွေနေရတာပဲဖြစ်ပါတယ်။တချို့အချိန်တွေမှာ တခြားသူရဲ့ကလေးတွေကိုလိုက်ထိန်းပေးပြီး ဘဝကိုဖြတ်သန်းနေတာဖြစ်ပါတယ်။

အဘွားရဲ့အိမ်လေးက အလျား (၁၅)ပေ၊အနံ (၆)ပေပဲရှိပြီး အခန်းကျဉ်းကျဉ်းလေးမှာနေထိုင်ရတာ ကြာမြင့်နေပြီဖြစ်လို့ အဘွားလည်း ငြီးငွေ့နေတာဖြစ်ပါတယ်။သူမရဲ့သားသမီးတွေကတော့ တစ်ခါတလေ လာလည်ပြီး အဝတ်လျှော်ပေးတဲ့အပြင် ဟင်းတွေလည်းပေးကြတယ်လို့သိရပါတယ်။အဘွားက လူငယ်လေးတွေရှေ့မှာ သေနေ့ရောက်ဖို့ပဲဆုတောင်းနေပြီး မြန်မြန်သေချင်နေတယ်ဆိုတာကို တရစပ်ပြောနေလို့ လူငယ်လေးတွေ အဘွားရဲ့အဖြစ်ကို စိတ်မကောင်းဖြစ်နေကြကြောင်းကို ပြန်လည်မျှဝေပေးလိုက်ပါတယ်။

Source&Photo Credit:Original Uploder